Törek matbuğatına küzätü 20.05.2024

“Haber Türk” gazetı Ärdoğannıñ yäş’lär belän oçraşuı turında yaza

Törkiyä ilbaşı Räcäp Tayyip Ärdoğan 19nçı may Atatörekne iskä alu, yäş’lär häm sport bäyrämendä yäş’lär belän oçraştı. Ul üz çığışında Törkiyäneñ iñ zur köçe häm ömete yäş’lär buluın assızıqladı.  

“Hürriyet” gazetı “Milli köräşneñ ruxı 105 yäşendä” dip yazdı

19nçı may - Atatörekne iskä alu, yäş’lär häm sport bäyräme il külämendä bilgeläp ütelde. Watandaşlar cömhüriyätkä nigez salğan yulbaşçı Mostafa Kämal Atatörek kümelgän mavzoley Anıtqaberne ziyarät itte.

“Star” gazetı “Qara diñgezdä tabiğıy gaz tabılğan ide, çiratta neft’ bar” dip yaza.

Törkiyä ênergetika häm tabiğıy çığanaqlar ministrı Alparslan Bayraktar Qara diñgezdäge tabiğıy gaz açışınnan soñ töbäktän neft’ söyençese birä alınuın citkerde. “Qara diñgezdä qara altın barlığı bilgelären açıqlawçı êşçänleklärebez bar. Tizdän söyençesen alırbız dip ömetlänäm”,-dide ministr.

“Yeni Şafak” gazetı Maduronıñ Törkiyä belän kileşü imzalawı turında citkerä.

Venesuêla däwlät başlığı Nikolas Maduro İstanbulda Törkiyä belän imzalanğan investiśiyä kileşüeneñ üz ilendäge röxsät alu prośessınıñ tögällänüen belderüçe dokumentnı turıdan-turı êfirda imzaladı.

“Vatan” basması İstanbul birjasına çit illärdän qızıqsınu turında yaza.

Çit il investorlarınıñ İstanbul birjasındağı öleşe 40%qa üste. Törkiyä iq’tisadına qarata bäyäläwlärneñ artuı häm uñay xisaplar çit illärneñ qızıqsınuın tağın da üsteräçäk şikelle kürenä.