Törek matbuğatına küzätü 17.05.2024

“Habertürk” gazetı yazğança Törkiyä ilbaşı Räcäp Tayyip Ärdoğan Gruziya prem’yer-ministrı Irakli Kobakxidze belän oyıştırğan matbuğat oçraşuında bolay dip citkerde: “Fälästin xalqınıñ bäysezlek köräşen bar keşelekneñ xuplawı kiräk. Dön’yanıñ här poçmağında däwam itüçe Fälästingä teläktäşlek çaraların küp mägnäle häm qıymmätle itep küräm.”

“Sabah” basması beldergänçä Gruziya prem’yer-ministrı Kobakxidze Ärdoğannıñ barı tik däwlät başlığı ğına tügel, ä bar Törkiyäneñ mänfäğat’lären qayğırtuçı çın lider buluın belderep: “Sezneñ liderığız barıbızğa da ürnäk bulıp tora,” – dide.

“Hürriyet” gazetı xäbärenä kürä “Baykar”nıñ yuğarı däräcäle citäkçese Haluk Bayraktar “Bayraktar TB2” qorallı keşesez hawa apparatlarınıñ soñğı sistemasın kiçä Pol’şağa tapşıruların äytep: “Şul räweşle Törkiyä tarixında berençe tapqır NATO häm Awrupa Berlegenä äğza bulğan ber ilgä yuğarı texnologiyale qorallı keşesez hawa apparatı êksportın uñışlı räweştä tämamladıq,” – dide.

“Yenişafak” basması citkergänçä Transport häm asqorıma ministrlığı tarafınnan yañartılıp, açılğan Sirkäci-Kazlıçäşmä rel’slı sistema liniyase maqtaldı. Älege liniyane "loneyplanet.com” internet säxifäse 6 timer yulı arasında kürsätte.  

“Star” gazetı yazğança Angliyada urnaşqan yuğarı belem bäyäläw oyışması “Times Higher Education”nıñ dön’yanıñ iñ yaxşı yäş’ universitetlarına urın birgän “Yäş’ yuğarı uqu yortları 2024” isemlegendä Törkiyädän 58 universitet bar.