Törek matbuğatına küzätü 16.05.2024

“Yeni Şafak” gazetı Ärdoğannıñ “Xamas” belän bäyle belderüenä urın birä.

Törkiyä ilbaşı Räcäp Tayyip Ärdoğan AK partiyäneñ törkem utırışında “Xamas” turında ähämiyätle belderüelär yasadı. “İzrailne Ğazzädä tuqtap qalır dip uylamağız. Bu qotırğan däwlät, ägär tuqtatılmasa, “Wäğ’dä itelgän cirlär” illyuziyäse belän irtäme-soñmı Anadoluğa küzlären töbäyäçäk. “Xamas” Ğazzädä Anadolunıñ kiläçäktäge frontın yaqlıy. Monı kürmäslek suqır mällä sez?”- dip söyläde ul.

“Sabah” gazetı ministr Fidannıñ Blinken belän söyläşüen citkerä.

Törkiyä tışqı êşlär ministrı Xaqan Fidan AQŞ däwlät särqatibe Êntoni Blinken belän telefonnan söyläşte. Anda Fidan İzrailneñ Räfaxqa höcümnäreneñ qabul itelmäs buluın belderde.  

“Hürriyet” gazetı ministr Şimşäkneñ “Awrupa Berlege belän mönäsäbätlärgä can öräbez” digän süzlären alğı planğa çığara.

Törkiyä qazna häm finans ministrı Mäxmät Şimşäk kiçä bu nisbättän Brüssel’dä ähämiyätle oçraşular ütkärelüen belderde.

“Star” gazetı  “Fitch”nıñ Törkiyägä nisbätle belderüen citkerä.

Kredit reytingı oyışması  “Fitch” Törkiyäneñ burıç kapitalı bazarlarına investorlar ışanıçı belän can kerüen xäbär itte.   

“Haber Türk” gazetı Rizä-Artvin aêroportındağı xäräkätlelek turında yaza.

Törkiyä transport häm asqorma ministrı Abdulkadir Uraloğlu 2022nçe yılnıñ 14nçe mayında açılğan Rizä-Artvin aêroportın bu waqıt êçendä 1 million 927 meñnän artıq yulçı qullanuın belderde.