Törek matbuğatına küzätü 15.05.2024

”Sabah” gazetı “Ärdoğan - iñ yaratılğan lider” dip yaza. Könbatış Balkan illäre Albaniya, Bosniya Gerśegovina, Çernogoriya, Tön’yaq Makedoniya, Serbiya häm Kosovoda ütkärelgän soraştıru kürsätkänçä, Törkiyä ilbaşı Räcäp Tayyip Ärdoğan töbäk keşeläreneñ iñ yaratqan liderı.

“Hürriyet” gazetı ministr Fidannıñ süzläre belän “İzrail - basıp aluçı köç” dip citkerä. Törkiyä tışqı êşlär ministrı Xaqan Fidan İzrailneñ basıp aluçı köç buluına basım yasap “Ğazzädäge suğış tiktomaldan ğına başlamadı” dide. “Xamas”nıñ terror oyışması bulmawın assızıqlağan Xaqan Fidan “Xamas” terrorçı oyışma tügel, ä qarşılıq kürsätü oyışması” dide.

“Yeni Şafak” gazetı “Naxçıvan tabiği gazı kiläse qış Törkiyä aşa tapşırılaçaq” isemle xäbärendä citkergänçä, Törkiyä ênergetika häm tabiği çığanaqlar ministrı Alparslan Bayraktar Törekmänstan tabiği gazın Azärbaycan häm Gruziya aşa Törkiyägä citkerü öçen Törkiyä - Azärbaycan tabiği gaz ölkäsendä xezmättäşlek kileşüenä qul quyu tantanasında yasağan çığışında “Kiläse qışta Naxçıvannıñ tabiği gazı Törkiyä aşa cibäreläçäk. Bez bu liniyäse (Iğdır-Naxçıvan) mömkin qadär tizräk êşkä kereşterergä uylıybız” dide.

“Star” gazetı “Törkiyä 24 metr häm annan ozınraq yaxta zakazları buyınça dön’yada 4 nçe urında” isemle xäbärendä citkergänçä, Törkiyä sänäğat’ häm texnologiya ministrı Mäxmät Fatix Kacır  Törkiyäneñ 2023 nçe yılğa 24 metr häm annan da ozınraq yaxta zakazlarında dön’yada 4 nçe urında buluın belderde.

“Vatan” gazetı “Uraloğlu TÜRKSAT 6Anı ğalämgä oçırtu könen açıqladı” dip xäbar itä. Törkiyä transport häm asqorma ministrı Abdulkadir Uraloğlu “TÜRKSAT 6A” iyärçeneneñ iyün’ başında AQŞqa cibäreläçägen belderep, ”İyärçenne 8 ennän 14 enä qadär orbitağa oçırtu küzdä totıla” dip äytte.