Törek matbuğatına küzätü 24.04.2024
24nçe aprel' könne çıqqan qayber törek gazetlarına küzätü
“Haber Türk” gazetı Ärdoğannıñ PKK turındağı belderüenä urın birä.
Törkiyä ilbaşı Räcäp Tayyip Ärdoğan terrorçı oyışması “PKK/PYD/YPG”neñ Ğıyraqnıñ totrıqlılığına, üseşenä, tınıçlığına yanaw buluın äytte. Ul älege yanawnı beterüneñ Ğıyraq mänfäğat’lärendä ikänlegenä basım yasadı.
“Hürriyet” gazetı Ärdoğannıñ 23nçe aprel’ yullamasın alğı planğa çığara.
Törkiyä ilbaşı Räcäp Tayyip Ärdoğan 23nçe aprel’ milli bäysezlek häm balalar bäyräme uñayınnan yullama yasadı. “Kiläçägebezne töziyäçäk balalarıbıznıñ här köneneñ bäyräm kütärenkele belän ütüen telim” dide ul.
“Vatan” basması da 23nçe aprel’ çaraların yaqtırta.
23nçe aprel’ - milli bäysezlek häm balalar bäyräme häm Törkiyä Böyek Millät mäclese açıluğa 104 yıl tulu il külämendä bilgeläp ütelde. Balalar maxsus çaralarda küñel açtı. Däwlät dairäläre ber köngä alarğa tapşırıldı. Şähärlär bayraqlar häm şarlarğa kümelde.
“Yeni Şafak” gazetı Mäxmät Şimşäkneñ “Törkiyägä bulğan ışanıç köçle” digän belderüenä urın birä.
Törkiyä qazna häm finans ministrı Mäxmät Şimşäk Amerika Quşma Ştatlarında investiśiyä programmalarında qatnaştı. “Bu cıyılışlarda ilebezneñ iq’tisadi programmasına ışanıçnıñ köçle buluın tağın ber qat kürdek”,-dide ul.
“Star” gazetı “Awrupada aviaśiya tarmağında Törkiyä xakimlek itä” dip citkerä.
Törkiyäneñ aviaśiya asqormasına kertemnärneñ näticäse bularaq İstanbul aêroportı Awrupanıñ iñ küp oçış täq’dim itüçe aêroportı buldı. Anda 2023nçe yılda köndälek urtaça reys sanı, annan aldağı yıl belän çağıştırğanda, 19%qa arttı häm 1375kä citte.
