Törek matbuğatına küzätü 24.03.2023

“Vatan” gazetı yazğança Türkiyä ilbaşı Räcäp Tayyip Ärdoğan 6 fevral’ könne Kahramanmaraşta barlıqqa kilgän häm 11 vilayät’ne teträtkän cir teträwlärdän soñ berençe 17 902 toraqqa nigez salu tantanasında çığış yasap, bolay dide: “Cimerelgän här binabıznı qabat tözep, şähärlärebezne tözekländerep, äkrenläp Türkiyä Ğasırına taba atlıybız.”

“Yeni Şafak” basması beldergänçä İlbaşı idaräseneñ êlemtä räislege Ğasır fäläkäte dip atalğan cir teträwlärdän soñ kürsätelgän yärdämläşügä iğtibarnı cälep itü maqsatı belän “Bergä Türkiyä bez” şiğare belän “Ğasır yärdämläşüe” isemle kampaniya başlattı.

“Sabah” gazetı xäbärenä kürä törek armiyaseneñ östenlegen arttıraçaq milli mömkinleklär belän yasalğan häm seriyale citeşterü êtabına kilgän ALTAY tankı 23 aprel’ könne testlar öçen Törek qorallı köçlärenä tapşırılu öçen äzerlänä.

“Star” basması citkergänçä Türkiyäneñ Sälamätlek turizmı cämğıyät’läre federaŝiyase başlığı Tevfik Yazan sälamätlek turizmında 2023 yılda kerem häm xasta sanında 25-30%lık artış kötülären äytte.

“Hürriyet” gazetı yazğança Yevrokontrol’neñ fevral’ ayına qarağan hawa transportı xisabına kürä İstanbul aêroportı Awrupanıñ iñ tığız hawa mäydanı buldı. Transport häm asqorıma ministrı Adil Karaismailoğlu bu xaqta bolay dip belderde: “İstanbul aêroportında fevral’ ayında 35 569 reys çınğa aşırıldı, 5 136 413 yulçığa xezmät kürsätelde. Awrupanıñ berençese bulğan İstanbul aêroportı millionnarça yulçıbıznı östen xezmät sıyfatı belän qabul itüne däwam itterä.”