Törek matbuğatına küzätü 07.12.2022
Qayber törek basmalarına küzätü
“Xäbär türk” gazetı yazğança Türkiye ilbaşı Räcäp Tayyip Ärdoğan monnan soñ säyäsättä, iqtisadta üz qararların üze birüçe Türkiyä buluın belderep: “Êksport arttı. Üseş başladı. Xäzer Türkiyä dön’yada üsüçe illär arasında berençe öçlektä, berençe bişlektä urın ala,” – dide.
“Yeni Şafak” basması beldergänçä “Burson Cohn and Wolfe”ka bäyle didjital’ diplomatiya tikşerenü cämğıyäte Twiplomacy “Tvitterdağı iñ köçle liderlar” isemle tikşerenü ütkärde häm Türkiye ilbaşı Räcäp Tayyip Ärdoğannıñ profile 2022 yılda 2 urınğa kütärelep, dön’yanıñ iñ köçle öçençe Tvitter akkauntı buldı. Ärdoğan şulay uq “Awrupanıñ iñ köçle säyäsi liderı” däräcäsen dä saqlap qaldı.
“Watan” gazetı xäbärenä kürä Türkiye ilbaşı Räcäp Tayyip Ärdoğan “Qardäş yodrığı” isemle Azärbaycan-Türkiyä Berläşkän Urtaq xärbi künegülärneñ uñışlı tämamlanuınnan soñ telefonnan ike il armiyase personalın täbrik itep bolay dide: “Bu xärbi künegülär bezneñ it häm söyäk kebek ayrılmas buluıbıznı kürsätte. Berkem dä bezne ayıra almas.”
“Star” basması citkergänçä Azärbaycannıñ Saqlanu ministrı Zakir Hasanov Törek qorallı köçläreneñ dön’yanıñ iñ aldınğı armiyalärennän berse buluın belderep, Azärbaycan armiyaseneñ törek armiyase modelenä küçüe xosusında reformalar yasaluın äytte.
“Sabah” gazetı yazğança Türkiyä tışqı êşlär ministrı Mäwlüt Çavuşoğlu Greŝiyaneñ kiyerenkelekne üsterüçe adımnarına reakŝiya belderde. Greŝiyaneñ qoralsızlandırılğan utrawlarnıñ statusın bozudan waz kiçüe zarurlığın citkergän Çavuşoğlu: “Greŝiya bu mäs’älädä kiregä adım yasap, kileşülärne ütämäsä, bez kiräkkänne älbättä ber tönne başqarırbız,” – dide.
