Çizkeyk yasıybız

Kiräkle rizıqlar:

250 gr peçen’ye

aq may 120 gr

400 gr êremçekle sır (labne)

150 gr şikär pudrası

100 gr yogurt

150 ml slivki 33-36%

2 yomırqa

2 aş qaşığı kukuruz kraxmalı

1 paçka vanilin

1 aş qaşığı limon soğı

Yasalışı:

Peçen’yelarnı töyäbez häm êretelgän aq may belän bolğatabız.

Tügäräk peşerü sawıtınıñ töben peşerü käğaze belän qaplıybız. Peçen’ye masası belän töben häm qırıyların qaplıybız (stakan belän bastırıp). Sawıtnı 20 minutka suıtqıçqa quyıp torabız.

Şul arada sır massasın äzerlibez. Başta sırnı pudra şikäre belän bolğatabız. Yogurt, slivki quşabız. Yomırqalarnı berämläp salıp, bolğatabız. Kraxmal häm vanilinnı da onıtmıybız. İñ axırda limon soğı sığabız.

Sawıtnı suıtqıçtan çığarıp, masanı êçenä salabız.

Miç töbenä su salınğan taba quyarğa kiräk. Beraz östäräk isä çizkeyknı urnaştırabız. 180 däräcädä 30 minut peşeräbez, annarı 150 däräcägä töşerep, çizkeyk tağın 30 minut peşä. Miçne sündergäç çizkeyknı almıybız. Ul anda suınırğa tiyeş.

Suınğan çizkeyknı suıtqıçqa 6-12 sägät’kä quyabız.

Aşlarığız tämle bulsın!