“PKK” terror oyışması Ärdoğannan üç alırğa teli

Türkiyäneñ çikar’yağındağı Süriyäneñ tön’yağında ütkärgän uñışlı terrorçılıq belän köräş operaśiyaları "PKK/PYD” terror oyışmasın qurqıttı.

Terror oyışmasınıñ atamanı Salih Müslim Türkiyäneñ İlbaşı saylawında oppoziśiya partiyası “CHP”ne yaqlayaçaqların äytte.

Salih Müslim, “PKK/PYD” atamanı:

“Saylawda ciñsäk, ber keşedän üç alğan bulırbız."

“PKK” 40 yıl diyärlek başqarğan terror ğamällärendä häm Türkiyädä häm dä il çiklärennän çittä däwlät wazıyfalıların häm tınıç xalıqnı nişan itep aldı.

Maqsatına terrorçılıq belän ireşä almağan “PKK” xäzer isä, “CHP” liderı Kemal’ Qılıçdaroğlunı yaqlap, törek däwlätennän “üç alırğa omtıla.’

Qılıçdaroğlu 28nçe maydağı saylawda İlbaşı Räcäp Tayyip Ärdoğannıñ köndäşe.

Cämil Bayık, “PKK” atamanı:

“Bu höcümnärgä saylaw ärcäsendä cawap biräçäkbez.”

Rämzi Kartal, “PKK” atamanı:

“Qılıçdaroğlu xuplanılaçaq namzät. Bu bez telägän alğarışnı tudıru öçen tarixi forsat.”

“PKK” belän bağlanışları bulğan “HDP” dä Qılıçdaroğlunıñ ilbaşı namzätlegen yaqladı.

Änkara 2016nçı yıldan birle il çiklären çittän yünälgän terror ğamällärenä qarşı saqlaw häm töbäktäge keşelärneñ tınıç räweştä yañadan urnaşuın täêmin itü maqsatınnan çığıp bik küp terrorçılıq belän köräş operaśiyasın başqardı.

Türkiyä, AQŞ, Angliya häm Awrupa Berlege tarafınnan terror oyışması bularaq qabul itelgän “PKK” Türkiyägä qarşı 35 yıldan kübräk waqıt êçendä yasağan terror ğamällärendä xatın-qızlar, balalar häm bäbilär belän bergä 40 meñnän kübräk keşeneñ ülemenä säbäp buldı.