Bamiyä orlığınıñ faydaları

Бaмия oрлыгының фaйдaлaры

“Sälamät bulıyq” tapşıru tezmäbezneñ bu bülemendä bamiyä, ikençe törle äytkändä, okra orlığınıñ faydaları turında süz baraçaq.

Närsä soñ ul bamiyä (okra) orlığı?

Bügen xalıq arasında ataması yış işetelä başlağan häm bamiyä üsemlegennän alınuçı älege orlıq cepsellärgä bik bay. Ul bamiyä cimeşe citeşkännän soñ barlıqqa kilüçe keçkenä, quyı qızıl yäisä qoñğırt töstäge orlıq. Anı cimeştän ayırıp kipterälär.

Bamiyä orlığınıñ nindi faydaları bar?

1. İmmunitetnı nığıta

Bamiyä orlığı sälamät tuqlanuğa öleş kertä, baş miye küzänäkläreneñ tere qaluına häm yañaruına yärdäm itä. Sostavındağı B vitaminı arqasında xäter naçarayunı çikläwdä näticäle. Bamiyä orlığı immun sistemasın nığıtıp, organizmnıñ awırularğa qarşı toruçanlığında ähämiyätle rol’ uynıy.

2.Yöräkne saqlıy

Magniynıñ qan basımın töşerüdä häm yöräk sälamätlegenä yoğıntısı bilgele. Bamiyä orlığı isä älege êlementqa bay. Magniylı rizıqlar aşaw yöräk öyänäge häm paraliç şikelle yanawlarnı kimetügä öleş kertä.

3.Xolesterinnı normal’läşterä

Bamiyä orlığı xolesterinnı töşerüçe rizıqlar arasında. Anıñ aşqaynatu waqıtında xolesterinnı üzläşterü urınına tışqa çığarıluın täêmin itüçe gel’sıman matdäse bar.

4.Küz sälamätlegenä yoğıntı yasıy.

Bamiyä orlığı üzendäge A vitaminı häm beta-karotin yärdämendä küzneñ çeltär qatlawın saqlawda ähämiyätle rol’ başqara.

5.Böyerlär öçen faydalı.

Bamiyäneñ böyer çirlärennän saqlawçı täêsire bar. Bigräk tä şikär diabetı beläñ awıruçılar böyerläreneñ zarar kürmäwe öçen älege rizıqqa östenlek birä ala. Tik, şul uq waqıtta, andağı oksalatlar böyerdä taş barlıqqa kilü öçen nigez äzerlärgä mömkin.

6.İmmun sistemasın yaman şeşkä qarşı nığıta.

Bamiyä orlığı yaman şeş küzänäkläre barlıqqa kilüne çikläwdä täêsirle. Ul immun sistemasın nığıtıp zararlı küzänäklärneñ organizmğa kerüenä häm taraluına yul quymıy.

7.Kiyerenkelek häm stressnı buldırmıy.

Onıtuçanlıq häm konśentraśiyä qıyınlıqları bulğan keşelär, yoqısızlıq häm stress şikelle problemalar kiçerüçelär bamiyä orlığın tuqlanu isemlegenä kertä ala.

8.Êçäkleklärne çistarta häm yabığırğa bulışa.

Bamiyä orlığı êçäkleklärne buşatuda täêsirle buluı arqasında metabolizmnı tizlätä. Anıñ cepselle strukturası ozaq waqıt tuq tota häm şuña kürä yabığuda rol’ uynıy. Kaloriyäseneñ äz buluı da sälamätlekne bozmıyça artıq kilolardan qotılırğa yärdäm itä.

9.Buın häm tez awırtularına tabiğıy çara.

Bamiyä orlığı K vitaminına bay. Şuña da söyäk sälamätlegen nığıtu häm söyäklärneñ yañaruı öçen ähämiyätle. Daimi räweştä bamiyä orlığı aşağanda osteoporoz häm söyäk awıruları barlıqqa kilü qurqınıçı azaya.

Bigräk tä, yäş’ alğa taba barğan sayın tez tiräsendäge sıyıqlıqnıñ yuqqa çığuına yul quymas öçen bamiya orlığın aşaw faydalı. Şuña kürä, tezläre awırtuçı keşelär bamiyä orlığı belän däwalana. Andıy çaqta älege orlıqnı çi dä, peşerep tä yäisä tarttırılğan xäldä dä qullanırğa mömkin.

9-10 bamiya orlığın su êçendä totqannan soñ aşıylar. Yäisä anı tönätep êçärgä häm yoğırtqa salıp aşarğa bula. Monnan tış, tarttırılıp toz xälenä kiterelgän orlıqlarnı başqa rizıqlarğa da quşalar.

                         10.Bawır sälamätlegen saqlıy.

Bamiyä orlığı bawırnı saqlap anıñ yaxşı êşläwenä yärdäm itä. Bigräk tä, tabiğıy däwalaw ısulların êzläwçelär anı bawır awırularınnan saqlanu öçen qullana ala.

11.Şikär diabetı belän awıruçılarğa faydalı.

Bamiyä orlığı üzendäge antioksidantlar belän insulinğa qarşı toruçanlıqnı kimetergä yärdäm itä häm qandağı şikärne tärtiptä tota.

12.Astmağa qarşı tabiğıy çara.

Bamiya çäçäklärennän alınğan orlıqlarnı tarttırıp toz xälenä kiterep, aña bal häm zäytün mayı quşarğa bula. Bu pastasıman qatnaşmanı aşaw bronxit häm astmağa qarşı köräştä faydalı.

Bamiya orlığın niçek qullanırğa?

Bamiyä orlığınıñ danälären şul kileş tä aşarğa bula, anı waqlap ta rizıqlarğa quşarğa mömkin. Tarttırılğan orlıqlarnı qaynar suda tönätep êçü dä faydalı. Yoğırt häm başqa rizıqlarğa salıp ta aşala.

9-10 danä bamiyä orlığın bülmä cılılığındağı suda totıp, annarı şul sunı êçärgä bula.

Allergiyäse, xronik awırtuları buluçılar, här könne daru qullanuçılar häm awırlı xatın-qızlarnıñ bamiyä orlığı qullana başlağançı hiçşiksez tabibları belän kiñäşläşüe kiräk.

K vitaminı qan oyışuına yärdäm itä häm bamiyä orlığı älege êlementqa bay. Şuña kürä anıñ qan sıyığaytuçı darular belän reakśiyägä kerüe mömkin. Andıy preparatlarnı qullanuçılarnıñ da tabib belän kinäşläşmiçä bamiyä orlığın aşamawı zarur.

Tabib Mäxmät Uçar

Tatarça podkastlar (тавыш язмаларыбыз)

Här yağı belän glyuten sizgerlege | TRT Tatarça

 

Qorı yütälgä qarşı tabiğıy çaralar | TRT Tatarça