Kokos mayı närsägä faydalı?

“Sälamät bulıyq” tapşıru tezmäbezneñ bu bülegendä kokos mayınıñ faydaları turında süz baraçaq. Kokos çikläwegennän alınuçı älege may, tire häm çäç tärbiyäläwne dä kertep, bik küp sälamätlek alanında qullanıla.

Kokos mayınıñ nindi faydaları bar?

• Êşkärtelmägän kokos mayı yöräk-qan tamırı awırularına kiterüçe stressnı kimetä.
• May kislotalarınıñ tuqlıq xisen arttırıp yabığırğa yärdäm itüe uylanıla.
• Kokos mayındağı êffektiv matdälär mikrop üterüçe täêsirgä iyä.
• Kokos mayındağı qayber matdälärneñ nerv küzänäklärenä uñay yoğıntısı küzätelde. Anı aşaw nerv küzänäklärenä kilgän zararnıñ bilgelären kimetä ala, Al’śgeymer xastalığınnan saqlaw üzençälegenä iyä.
• Kokos mayındağı qayber matdälär êpilepsiyä öyänäkläre yışlığın azaytırğa yärdäm itä ala.

Kokos mayı häm tire sälamätlege

Kokos mayı tire sälamätlegenä häm tire qorılığına uñay täêsir yasıy, sörtkändä tire bar’yerınıñ yañaruın täêmin itä.  Ul dımlandıruçı üzençälege arqasında tire öslegendäge çatnawlarğa kirtä quya ala. Şaqtıy keşe anı tire sälamätlegen häm küreneşen yaxşırtu öçen kosmetik maqsatlarda qullana.

Tikşerenülär kokos mayınıñ qorı tireneñ dımlılığın arttıra aluın kürsätä. Bigräk tä tireneñ funkśiyälären yaxşırta, çiktän tış su yuğaltunı çiklärgä yärdäm itä häm sezne yoğışlı êlementlar, ximikatlar häm allergennar şikelle tışqı faktorlardan saqlıy. Qulığızğa töngä 6-8 tamçı saf kokos mayı sörtep quysağız, dezinfekśiyä çaraların yış qullanu kiterep çığarğan tire qorılığın beterergä yärdäm itäçäk.

Monnan tış, älege may tire yalqınsınuı häm tireneñ bar’yer funkśiyäläre bozılu belän xarakterlanuçı atopik dermatitnıñ ciñel häm urtaça däräcädäge bilgelären kimetä ala.

Kokos mayı häm çäç sälamätlege

Kokos mayındağı matdälär çäçlärne dımlandıra. Ul çäçkä tiz arada señep bülgälängän oçlarnıñ tözälüen täêmin itä. Älege üzençälekläre säbäple anı çäç maskası bularaq ta qullanalar.

Kokos mayı, monnan tış, çäçlärne tawşaludan saqlıy ala. Çönki ul çäç börteklären tuqlandıra häm sınuın kimetä. Bu isä çäçlärne tağın da nığıta.

Awız sälamätlegenä faydalı 

Kokos mayın awıznı çayqalaw öçen qullanu awız êçe gigiyenası öçen faydalı. Ul awızdağı zararlı bakteriyälärneñ sanın ähämiyätle külämdä kimetä. Kokos mayındağı kislota tökerek belän reakśiyägä kerep teşlärgä qunıq utıru, çerüne häm yalqınsınunı azaytuda rol’ uynawçı sabın şikelle maddä barlıqqa kiterä.

Antioksidant çığanağı

Kokos mayı irekle radikalar dip ataluçı zararlı molekulalarnı täêsirsez xälgä kiterüçe antioksidantlarğa bay. Bu isä törle xronik awırularnı buldırmasqa bulışa. Ul, bigräk tä, şikär diabetınıñ qatlawlanuın çikläwdä êffektiv.

Kokos mayı niçek qullanıla?

Kokos mayı çäçkä häm tiregä turıdan-turı sörtelä, şul uq waqıtta anı käxwägä salıp ta qullanırğa mömkin. Kokos mayın ber çınayaqqa ber bal qalağı salırğa kiräk.

Kokos mayı qullanuçılar närsälärgä iğ’tibar itärgä tiyeş?

Kokos mayı yuğarı ênergiyä birgängä kürä, anı küp aşaw gäwdäneñ tazaruına kiterä ala, ä xolestirın däräcäse yuğarı bulğannarda - yöräk-qan tamırları awıruı riskın arttıra.

Häm iğ’tibar itärgä kiräkle tağın ber üzençälek – kokos mayı tirene genä tügel, töklärneñ tamırların da tuqlandıra. Şuña kürä yış sörtkändä, yözdä töklär barlıqqa kilergä mömkin.

Tabib Mäxmät Uçar

Tatarça podkastlar (тавыш язмаларыбыз)