Yaña noğıt töre
Bolarnı beläsezme -54/2023
Bolarnı beläsezme? 54/2023
Anadolunıñ kön’yaq-könçığış töbägendä yaña noğıt sortı tabıluın beläsezme?
Älege region dön’yada täwge tapqır igen igelgän cirleklärneñ berse. Akdeniz universitetı alıp barğan êşçänlektä kön’yaq-könçığış Anadolu töbägendä yuğarı temperatura häm qorılıqqa çıdam noğıt töre tabıldı. Yöräk formasındağı börtekläre belän iğ’tibar cälep itüçe älege sortqa Türkiyä cömhüriyäteneñ 100 yıllığına bağışlap “Turcicum” ataması birelde.
Yaña uylap tabılğan tör turında üsemlek tarmağında dön’yadağı iñ ähämiyätle jurnallarnıñ berse “Frontiers in Plant Science” aşa fän dön’yasına citkerelde. Ul xalıqara ädäbiyatqa endemik sort bularaq kerde. Tör çit illärdä noğıt tikşerenüläre ütkärüçe belgeçlär tarafınnan da zur iğ’tibarğa layıq buldı.
Yaña sort, bigräk tä, yuğarı temperatura häm qorılıqqa çıdamlılığı belän ömet uyata. Ütkärelgän tikşerenülär naticasendä anıñ qayber zararlı böcäklärgä qarşı toruçan da buluı açıqlandı. Bu törneñ gennarı xäzerge waqıtta igelüçe noğıt sortlarına küçerelsä, alarğa bik ähämiyätle üzençäleklär birelgän bulaçaq. Şul säbäple, global’ cılınu yanawçı dön’yabızda awıl xucalığı öçen bu yaña noğıtnıñ möhimlege tağın da arta.
