Melissa çäye

“Sälamät bulıyq” tapşıru tezmäbezneñ bügenge çığarılışında melissa çäyeneñ faydaları xaqında süz alıp barabız.      

Tınıçlandıru üzlegenä iyä melissa tönätmäseneñ sälamätlek öçen bik küp faylaları bar.

Melissa çäyen kemnär êçä ala?

• Stressqa bäyle aşqaynatu awıruları bulğan keşelär
• Aşqazanı häm êçäktä spazm häm awırtu bulğan keşelär
• Êç küperü bulğanda
• Borçılğanda
• Palititaśiya bulğan keşelär
• Küñel bolğanu häm qosu kebek zarlanuları bulğan keşelärgä melissa çäye êçü kiñäş itelä.

   Melissa çäyeneñ faydaları

• Stressnı häm borçılunı kimetergä bulışa

Bilgele bulğança, melissa çäye stress simptomnarın kimetä, tınıçlandıra häm psixik sälamätlek öçen faydalı. Qayber keşelärdä borçılu häm depressiya simptomnarın kimetergä yärdäm itä. Tikşerenülär kürsätkänçä, melissa çäye êçkän keşelär tınıçlana, alarda yoqlaw teläge arta. Ul nevroz borçığanda häm çiktän tış borçılğanda da faydalı.

• Konśentraśiya häm tanıp belü funkśiyäsen yaxşırta

Melissa çäyeneñ tanıp belü funkśiyäsen arttıruı raslanğan.

Melissa çäyen däres äzerlägändä häm kitap uqığanda qullanğanda xäterne nığıta ala, läkin mondıy oçraqlarda anı 1 çınayaqtan artıq êçmäskä kiñäş itelä. Ber çınayaqtan artıq melissa çäye yoqı kiterep êşegezgä tiskäre yoğıntı yasarğa mömkin.

• Gerpesnı (çabırtqı) däwalarğa yärdäm itä

Antioksidant üzlege arqasında sostavında melissa êkstraktı bulğan kremnar gerpesnı däwalawda bulışa. Anıñ tiz sawığuına yärdäm itkän melissa gerpes çığu yışlığın da kimetä.

Melissa çäye antiseptik üzençälekkä iyä, şuña kürä gerpes, yaralar, böcäk teşläwe häm qızaru kebek ğadi tire problemaların da däwalarğa bulışa.

• Aşqazanı sisteması awırularında yärdäm itä

Melissa çäyen señderü - êşkärtü belän bäyle êç awırtu, gaz cıyılu, aşqazanı spazmı kebek zarlanular bulğanda da êçälär. Bilgele bulğança, anıñ tönätmäse küñel bolğanğanda da faydalı.

  .  Baş awırtqanda uñay täêsir itä

Melissa baş awırtqanda da yärdäm itä. Stressqa bäyle baş awırtqanda ul da, romaşka çäye kebek, tınıçlandıra.

Tabiği awırtunı basu üzençälegenä iyä melissa çäyen tänneñ törle öleşlärendäge awırtulardan qotılu öçen dä êçärgä bula.

• Yöräk êşçänlegen nığıta

Melissa çäye qan basımın töşerü êffektına iyä häm yöräk qağudan integüçelär öçen sedativ täêsir itü köçenä iyä.  Şuña kürä melissa çäye yöräk-qan tamırları sisteması öçen faydalı sanala. Antioksidant bulğanğa qan yöreşendä möhim rol’ uynıy, qan yöreşen köyli.  

• İmmun sistemanı nığıta

Melissa çäye bakteriyälärgä, gömbälärgä, viruslarğa qarşı köräştä bulışa ala. Tirlärgä yärdäm itüçe melissa grip, salqın tigändä temperaturanı töşerergä yärdäm itä.

• Yoqısızlıqtan intekkändä bulışa

Tiz genä yoqlap kitä almawçılarğa êçärgä kiñäş itelä. Ul yoqısızlıqtan intekkändä yoqlap kitärgä yärdäm itä. 

• Yözdäge taplar

Melissa çäyen bitlek itep qullanğanda yözdäge taplarnı kimetergä dä bulışa. Betçä çığunı kimetä. Yözdä küp säbäplär arqasında barlıqqa kilgän taplarnı melissa çäye yärdämendä beterergä mömkin.

Melissa çäyen qayçan êçärgä?

Melissa çäye tınıçlandıru täêsirenä iyä bulğanğa kürä anı stresslı waqıtta êçü faydalı. Kiçen yoqlarğa berniçä säğat’ qala bu çäyne êçsägez radiśiya täêsiren häm stressnı kimetep räxätlänep yoqlap kitärgä bulışır.

Köngä 2 çınayaqtan artıq êçärgä yaramıy.

Melissa çäyen niçek äzerlärgä?

Qaynar suğa melissa ülänen salıp östen qaplağız, 5-10 minut tönätegez.10 minuttan soñ sözep êçegez.

Melissanıñ yafraqların cäyen salqın êçemleklärgä dä quşarğa bula.

Şulay uq anı şulpalarğa, balıq rizıqlarına, pılawlarğa, ciläk-cimeş salatlarına häm ğomumän salatlarga da östi alasız.

Melissa yafraqların izep pasta yasap böcäk teşläwenä qarşı qullanırğa mömkin.

Melissa çäyeneñ tiskäre täêsire

Çama belän qullanğanda melissa çäyeneñ naçar yoğıntı yasaw ixtimalı bik tübän. Anı artıq qullanğanda sigändä awırtu, baş awırtu, küñel bolğanu häm qosu, êç awırtu, baş äylänü, temperatura kütärelü, allergiya reakśiyäse, tire qıçıtu, xırıltılı sulış alu kebek simptomnar kiterep çığarırğa mömkin.

Qayber preparatlar belän bergä qullanılsa melissa çäye zararlı bula ala. Qalqansıman biz, yoqı, glaukoma, tınıçlandıra torğan häm serotoninğa täêsir itüçe preparatlar qullanasız ikän melissa çäyen êçärgä yaramıy.

Yökle xatınnarnıñ, bala imezüçelärneñ häm 16 yäş’kä qadärge balalarnıñ bu çäyne êçmäwe xäyerle.

Avtor: Tabib Mäxmät Uçar