Töşkän boralaqlar, Bafel Talabani häm PKK/YPG

15 martta Ğıyraqnıñ tön’yağında ber boralaq kilep töşkännän soñ boralaqta kemnärneñ buluı belän bäyle şöbhälär cämäğat’çelektä zur qızıqsınu uyattı. Berençe sägät’lärdä hälakät belän bäyle mäğlümatlar, boralaqta kemnärneñ buluı turındağı sorawlar kön tärtibendä bulğanda Ğıyraq Körd Regional’ Citäkçelege oçqıç kisäkläre astındağı mäyetlärneñ PKK terrorçılarınıqı buluın açıqladı. Soñınnan PKKnıñ Süriyädäge törkemeSüriyä Demokratik Köçläreüzlärenäbäyle 2 boralaqnıñ kilep töşüen citkerde, bar iğtibar isä Kördistan Watanpärwärlär berlege häm Bafel Talabaniğa yünälde.

15 mart könne Ğıyraqnıñ tön’yağında Duhoknıñ Çemanke töbägendä 2 boralaq ber-ber artlı kilep töşte. Waqıyğadan soñ şaqtıy spekulyaŝiya yasalğanda Süriyä Demokratik köçläre boralaqlarnıñ üzlärenä bäyle buluın, Süriyädän Söläymaniyägä belem maqsatı belän yul totqan Terrorçılıqqa qarşı köçlär äğzaläreneñ boralaqta buluın qabul itärgä mäcbür qaldı. Açıqlawda bolaraqlarnıñ kilep töşüe näticäsendä Mazlum Abdineñ dä yaqın tuğanı bulğan YAT Ğomum komandirı Şervan Kobani dä  aralarında bulğan 9 terrorçınıñ da ülüe belderelde. DEAŞka qarşı Xalıqara koaliŝiyaneñ Berdäm maxsus operaŝiyalär urtaq wazifa köçe dä Mazlum Abdineñ Tvitterdağı açıqlawın urtaqlaşıp, Süriyä Demokratik köçlärenä qayğınamä yullaması yasadı. Kördistan Demokratik Partiyale Ğıyraq Körd Regional’ Citäkçelege prem’yer-ministrı Mesrur Barzani isä qırıs açıqlawlar yasap, PKK/YPGneñ bäyläneşle boralaqlarnı üzlärennän röxsätsez töbäktä oçırtuın häm bäyläneşle boralaqlarnıñ Kördistan Watanpärwärlär berlege tarafınnan oyışmağa birelüen äytüe dä iğtibarnı Kördistan Watanpärwärlär berlege häm Bafel Talabaniğa yünältte.

Süriyä-Ğıyraqnıñ Söläymaniyä şähäre liniyasendä radarğa êläkmäs öçen tübännän oçarğa tırışqan boralaqlarnıñ franŝuz Airbus Helicopters şirkäte tarafınnan citeşterelüçe AS 350 törendäge ğomum maqsat boralaqlarınıñ buluı belenä. Älege boralaqlar Ğıyraq Körd Regional’ Citäkçelege inventarenä 2016da kergän. Ğıyraqta AQŞ Armiyaseneñ aviaŝiya kontraktın da tözüçe “The 7 Group” isemle şirkätneñ asqorıması qullanılğan. “The 7 Group”nıñ Erbil häm Söläymaniyädä 2009 yılda ike täêmin itü, logistika, xezmät kürsätü häm belem birü üzägen açuı äytelä. Bäyläneşle şirkätneñ Kanadadan 3 AS 350 boralağın Celal Talabanineñ bertuğanınıñ ulı Lahur Talabani qorğan anti-terror berämlege öçen kitertüe belderelä. Anarı isä bu boralaqlarnıñ Bafel Talabani çorında PKK terror oyışmasınıñ Süriyädäge törkeme bulğan YPGğa birelüen küräbez.

Bafel liderlığında Kördistan Watanpärwärlär berlege - PKK mönäsäbäte

Celal Talabani liderlığında Ğıyraqnıñ tön’yaq-könçığışında qorılğan Kördistan Watanpärwärlär berlege tarix buyı PKK/YPG terror oyışması belän yaqın mönäsäbätlär qora, bu wazğıyät’tä Türkiyäneñ reakŝiyase belän oçraşa. Türkiyä bu mönäsäbätlärne beterü öçen Kördistan Watanpärwärlär berlegenä citdi basım yasıy, ayıruça Bäysezlek referendumınnan soñ Söläymaniyä aêroportına sankŝiya qullana, törle iqtisadi häm säyäsi çikläwlär belän Kördistan Watanpärwärlär berlegeneñ PKK belän bulğan mönäsäbäten, yärdämen beterergä tırışa. Kördistan Watanpärwärlär berlege uñay adımnar yasağaç isä älege sankŝiyalär dä betä. Läkin Kördistan Watanpärwärlär berlege belän PKK arasındağı mönäsäbät az bulsa da däwam itä.

Läkin Kördistan Watanpärwärlär berlege êçendä küzätelgän köç köräşennän soñ AQŞnıñ yärdäme belän Bafel Talabanineñ Lahor Talabanine çittä qaldırıp, bar köçne qulğa töşerüe belän Kördistan Watanpärwärlär berlegeneñ bäyläneşle säyäsätlärendä dä qabat üzgäreşlär kürelä başladı. Monnan alda İrannıñ da täêsire belän Kandildäge Kördistan Cämğıyät’lär berlege belän mönäsäbät turında süz barğanda köç Bafel Talabaniğa küçkännän soñ AQŞ ximayasında PKKnıñ Süriyädäge törkeme bulğan PYD/YPG belän Kördistan Watanpärwärlär berlege arasında köçle mönäsäbät urnaşa başladı. Bafel Talabani Kördistan Watanpärwärlär berlege êçendä xaqimiyäten nığıtqannan soñ YPGğa yärdäm turında açıqlıy başladı. Başta yäşeren räweştä alıp barğan mönäsäbätläne äkrenläp härkemgä kürsätüdän çitensenmäde. AQŞ oçqıçı belän Süriyäneñ tön’yağına barıp, YPG liderları belän söyläşülär dä ütkärde.

Xäzer isä barlıqqa kilgän boralaq hälakätlärennän soñ bu mönäsäbätneñ säyäsi yärdämnän tış kübräk operaŝional’ buluı da açıqlandı. Boralaqlar oçqan yünäleştä mäydanda AQŞ kontroleneñ buluın uylasaq, bäyläneşle boralaq operaŝiyaläreneñ AQŞ ximayasında başqarıluı ap-açıq. Türkiyä küptännän oyıştırğan qorallı keşesez hawa apparatları xäräkätläre belän bu urınnarda PKK/YPGneñ mobilizaŝiyasen tuqtatqaç al’ternativa bularaq radarğa êläkmäyäçäk itep tübännän oçqan boralaqlar belän oyışmanıñ lider kadrın taşuın kürep bula. Bu waqıyğalarnı häm mönäsäbätlär çeltären küz adlına quyğanda AQŞnıñ Bafel Talabani aşa Kördistan Watanpärwärlär berlegen YPGneñ Ğıyraq häm Süriyädä legal’läşüe häm möhim aktyerğa äylänüe maqsatı belän qullanuın küräbez. Bafel Talabani isä bu yaña mönäsäbät yärdämendä YPGne Ğıyraq êçendäge Körd balanslarında Kördistan Demokratik Partiyagä qarşı qullanırğa tırışa. AQŞ cähätennän şulay uq PKK êçendäge balanslarda da YPG liderlarınıñ alğı planğa çığuı cähätennän möhim bula ala. Yänä bu tigezlämädä Bafel Talabanineñ Xalıqlarnıñ Demokratik Partiyaseneñ Näwrüz qotlawlarında Öcalannı da telgä kiterep, liderların irekkä çığarırğa çaqıruı, Xalıqlarnıñ Demokratik Partiyasendäge aktyerlarnıñ häm PYD/YPGneñ Öcalannıñ irekkä cibärelüe bäyläneşendä sistematik çaqırular yasıy başlawı mägnäle. AQŞ Türkiyädäge saylaw näticälärenä kürä PYD/YPGne Kördistan Watanpärwärlär berlege belän dä nığıtılğan räweştä Türkiyägä qabul itterä alaçağın, biredä Öcalannı da qabat akyerğa äyländerä alaçağın xisaplıy kebek.

Läkin Bafel Talabanineñ üz çiklärennän uzğan bu kerle uyınınnan çığa almaw ixtimalı yuğarı. Türkiyäneñ doşmannarı belän dus bulu Türkiyägä qarşı doşman bulu digän süz. Monnan iñ küp zıyannı isä Kördistan Watanpärwärlär berlege häm Bafel Talabani kürer.

Avtor - Säyäsi, iq’tisadi häm soŝial’ tikşerenülär waqıfı SETAnıň  tışqı sӓyӓsӓt tikşerenüçese Can Acun