Kivinıñ faydaları

“Sälamät bulıyq” tapşıru tezmäbezneñ bügenge çığarılışında kivinıñ faydaları xaqında süz alıp barabız.      

 Antioksidantqa bay kivida C vitaminı, diyeta cepselläre bar. Anda 92,7 mg C vitamini bar. Monnan tış ul kal’śiy, timer, magniy, fosfor, kaliyğa da bik bay.

• Bronxial’ astma awırularına bulışa

C vitaminına häm antioksidantlarğa bik bay kivi astma belän awıruçılarda sulış alu problemaları häm tın qısılu simptomnarın kimetergä yärdäm itä. Kivinıñ astmağa uñay täêsiren balalarda tağın da kübräk kürergä bula.

• Aşqazanı sälamätlegen saqlıy

Ul gastroêzofageal’ reflyuks, aşqazanı cäräxäte häm gastrit barlıqqa kilüdän saqlıy. Kivi seltele bulğanğa aşqazanı sälamätlegen saqlarğa yärdäm itä.

• Käyef bozılğanda qullanıla

Kivida bäxet gormonı-serotonin bar. Şuña kürä ul bäxet gormonı bülenep çığuğa bulışıp depressiyädän saqlıy.

• İmmunitetnı nığıta

C vitamininıñ iñ möhim üzençälege - immunitetnı nığıtu.

• Kivi qan çistartu üzençälegenä iyä
•  
• Aşqaynatu sisteması öçen faydalı

Kivinıñ aşqaynatu sistemasına faydası êri torğan häm êremi torğan cepsellärdän kilä. Êri torğan cepsellär êçäkneñ sälamät êşläwe öçen kiräkle bakteriyälär êşläp çığaruğa yärdäm itä. Êremi torğan cepsellär su cıya häm rizıqnı êşkärtü waqıtında kiñäyep defekaśiyäne ciñeläytä. Cepselgä bay bu cimeşne regulyar räweştä aşaw êç qatudan saqlıy.

• Kivi yöräk öçen bik yaxşı

Antioksidantlar, kaliy häm cepsellär yöräk sälamätlegendä möhim rol’ uynıylar. Kaliy qan basımın totrıqlılandırırğa yärdäm itä.Az kaloriyäle cimeş bulğanğa kivi yaxşı xolesterinnı kütärü êffektına da iyä.

Qannı sıyığaytu üzençälege belän yöräk-qan tamırları sälamätlege öçen möhim.

• Kivi yaman şeş awıruınnan saqlıy

 Cepselle strukturası yärdämendä kivi yuan êçäk yaman şeşen profilaktikalawğa yärdäm itä. 

• Yabığırğa bulışa

100 grammında 61 kaloriya bulğan kivi diyeta öçen faydalı cimeş. Cepselgä bay buluı arqasında anı diyetağa kertü kiñäş itelä. Kivi yabığırğa da bulışa. Ul ozaq waqıt tuq tota. Monnan tış andağı cepsel qan şikären dä balanslarğa yärdäm itä.

• Tirene yäşärtä

Kivi - tire öçen bik faydalı cimeş. Ul tiredäge kollagennı arttıra, qartayu bilgelären beterergä bulışa. Kivi tireneñ dım balansın saqlawda da möhim rol’ uynıy.

• Çäçlär öçen faydalı

C häm E vitaminnarı bulğan kivi çäçne qoyıludan saqlawçı cimeş. Magniy, kaliy häm śink qan ağımın tizlätep çäçneñ üsüenä yärdäm itä.

• Küzlär öçen yaxşı

Kividağı matdälär küz awıruların kisätergä häm kürü säläten yaxşırtırğa yärdäm itä.

• Yökle waqıttağı tuqlanuda möhim rol’ uynıy

Kivinıñ yökle xatın - qızlar öçen faydası anda foliy kislotası buluğa bäyle.

• Söyäk sälamätlegen saqlıy

Kividağı K vitaminı söyäk sälamätlegenä uñay öleş kertä. Andağı kal’śiy häm fosfor da söyäk sälamätlegenä uñay yoğıntı yasıy. Yäş’ olığaya barğan sayın osteoporoz bulmasın öçen tuqlanu isemlegenä kivinı da kertergä kiräk.

•  Yalqınsınu belän köräşä

Kivi yalqınsınularnı däwalawda êffektiv. Buın awırtuları belän bäyle yalqınsınunı kimetä.

• Su belän täêmin itä

90%ı diyärlek sudan torğan bu cimeş tän temperaturasın saqlawda, tire zararların beterüdä häm rizıqlarnı êşkärtüdä ähämiyätle rol’ uynıy.

Anıñ bu üzençäleklarennan faydalanu öçen köngä urtaça 2 kivi aşaw citä.

Kivi qullanğanda närsälärgä iğ’tibar itärgä kiräk soñ?

1. Allergiya: Kiviğa allergiyäse bulğan keşelärdä qosu, teldä, awızda häm irennärdä qıçıtu, sulış alu qıyınlaşu, yöz şeşü, baş äylänü, aşqazanı astı bizendä şeş barlıqqa kilergä mömkin.
2. Kaliylı preparatlar qullanasız ikän kivi belän bergä kaliy küläme artıp kitärgä mömkin.
3. Köçle K vitaminı çığanağı bulğan kivi qullanğanda tağın ber närsägä iğ’tibar itärgä kiräk – qan sıyığaytuçı qullanuçı yöräk awırtuları bulğan keşelärdä kivi bu darularnıñ êffektın beterergä mömkin.

Mondıy oçraqlarda tabib belän kiñäşläşü kiräk.

Avtor: Tabib Mäxmät Uçar