Qabaq orlığınıñ faydaları
Sälamät bulıyq - 17/2022
Sälamät bulıyq 17/2022
Xastalıqlar belän köräşüçe antioksidantlarğa bay
Qabaq orlığı küzänäklärebezne awıruğa säbäp bulğan zıyannan saqlawçı häm organizmdağı yalqınsınunı azaytuçı antioksidantqa bay. Tikşerenülär qabaq orlığınıñ yalqınsınunı totqarlawçı üzençäleklärneñ bawır, böyır, êçäk häm buınnarnıñ sälamätlege öçen möhim buluın kürsätä.
İmmunitetnı nığıtuçı
Qabaq orlığı êçendäge E vitaminı häm śink arqasında immun sistemabız öçen yaxşı. Śink organizmnı yalqınsınudan, alergiyadan häm mikroplardan saqlıy, bu räweşle infekśiyälärne totqarlıy häm ğomum immunitetnı arttıra.
Awırlıqnı kontrol’dä totarğa bulışa
Aşamlıq bularaq qabaq orlığın aşaw yabığırğa yärdäm itä ala. Maynı yandıru häm muskul tuplaw öçen bik yaxşı.
Tuq tota häm śink, kal’śiy, protein häm cepsellärgä bay. Cepsellär aşqaynatu sistemasına bulışlıq itä häm kön däwamında tağın da äzräk aç xis itüne buldıra. Bu da kön däwamında artıq aşawnı totqarlap, tazaruığıznı buldırmıy. Śink maynı yandırırğa bulışlıq itä häm täêsirle räweştä yabığırğa yärdäm itä.
Yöräk sälamätlegen yaxşırta
Magniy, kaliy häm faydalı may kislotalarına iyä bulğanlıqtan qabaq orlığı häm bigräk tä qabaq orlığı mayınıñ yöräk sälamätlegen yaxşırtuı häm koronar yöräk awıruı riskın kimetergä bulışlıq itüe belderelä.
Qabaq orlığı may quşılmaları olılarnıñ qanındağı faydalı HDL xolesterin däräcäsen arttıra, qan basımın kimetä.
Ayıruça qabaq orlığı qan tamırların kiñäytä ala häm yöräkneñ tağın da näticäleräk êşläwenä bulışlıq itü öçen qan ağımına yärdäm itä ala.
Qandağı şikâr däräcäsen balanslıy
Qabaq orlığınıñ iñ möhim faydalarınnan berse qandağı şikâr külämen tigezläw, balanslaw säläte. Qabaq orlığı diabetiklarda qan şikären tağın da yaxşıraq itep kontrol’dä totu öçen qandağı şikärneñ üzläşterelüen aqrınayta torğan proteinğa häm cepselgä bay.
Qabaq orlığı küpçelek keşe üz diyetasında citärlek itep ala almağan magniy yuğarı külämdä. Magniy sostavı qandağı şikâr külämen tärtipkä salıp, diabet riskın töşerergä yärdäm itä.
Yoqı sıyfatın tärtipkä sala
Yoqlar aldınnan qabaq orlığın aşaw sezgä yaxşıraq yoqlarğa bulışa ala. Qabaq orlığı – yoqını yaxşırtuçı tabiğıy matdä bulğan triptofan çığanağı. Qabaq orlığındağı magniy, śink, baqır häm selen dä yoqı waqıtına häm sıyfatına täêsir itä ala.
Prostat sälamätlegen yaxşırtırğa mömkin
Qabaq orlığınıñ antioksidantlar, may kislotaları häm śink belän bergä bay fitonutriyınt sostavı arqasında bigräk tä irlärdä prostat sälamätlegen yaxşırta ala.
Yaman bulmağan prostat üsüe bulğan irlärdä problemanı azayta aluı häm yäşäw sıyfatın yaxşırta aluı kürengän.
Yaman şeş küzänäkläreneñ üsüenä qarşı tora ala
Yuğarı antioksidantqa iyä bulğanlıqtan qabaq orlığı yaman şeşneñ totqarlanuına bulışlıq itü öçen yaman şeş küzänäkläreneñ zurayuı häm cäyılüe belän köräşkä yärdäm itä ala. Kükräk yaman şeş awıruınıñ totqarlanuında häm däwalanuında rol’ uynıy alaçağı tikşerelgän.
Qabaq orlığına bay diyetalar aşqazanı, üpkä, êçäk häm kükräk yaman şeş awıruı belän ber rättän törle yaman şeş awıruları riskınıñ tağın da tübän buluı belän bäyläneşle.
Tuqlanu
Qabaq orlığı yaralarnıñ yaxşıruında möhim bulğan manganeś häm K vitaminı kebek vitaminnarğa häm minerallärgä bay. Ayıruça immun sistemasınıñ bakteriylär häm viruslar belän köräşüenä bulışlıq itkän mineral’ bulğan śinkqa iyä.
Poliśistik analıq sindromı bulğan xatın-qızlarnıñ xälen ciñeläytä
Qayber tikşerenülär qabaq orlığınıñ gormonal’ balansnı torğızıp poliśistik analıq sindromı bulğan xatın-qızlarğa ciñeläytü buldıruın bilgeli. Qabaq orlığı çäçneñ qoyıluın totqarlawğa häm osteoporoz ixtimalın azaytuğa bulışlıq itä. Ayıruça qabaq orlığı xatın-qızlarda xolesterınnı kimetergä yärdäm itä.
Sidek quığı funkśiyäsen yaxşırta
Sidek quığı problemaların möhim däräcädä yaxşırta ala häm sidek citeşsezlegen tözätä ala.
Avtor: tabib Mäxmät Uçar
Bäyläneşle xäbärlär
19 may - Atatörekne iskä alu, yäş'lär häm sport bäyräme
Bu bäyräm Törkiyä Cömhüriyäte häm Tönyaq Kipr Törek Cömhüriyäteneñ milli bäyrämeder