Nogayşa 240: Qur’an deñizinden bȋr kesek aqıyqat (1)
Hikmet tolu Quran’dıñ
Aqıyqatları deñiz bolgan...
So deñizden neşe alim,
Aqıyqat qaznaları şıgargan...
Deñizdeki tamşıqlardıñ
Sanuvı bolmaganday
Qur’an deñizindeki
Aqıyqatlardıñ tagı,
Soñına barılmagan...
Munşa alim ömürlerşe,
Aytıp turganları alde,
Qur’an’daqı aqıyqatlar,
Äş tavsilip bolmagan...
Endi ol aqıyqatlardan
Üykenşe bîr alimdiñ
Aytqanlarından bîr kesekti,
Avdaruvga gayrat qılamız:
‘Bismilllahirrahmanirrahim’
Dep sözge baslaymız:
Em Allah’tıñ Rasül’i
Hazret-i Muhammed’ge
Salat selam aytamız...
“Bil ey Allah’tı añgan,
Tagı namaz qılgan qardaş!
Eşhedü en la ilahe illallah,
Em Muhammed’ür-Rasülüllah,
Tagı elhamdülillah
Sözlerindey mübarek
Kelimelerdi aytqanda;
Manelerini em aytsaq:
‘Men Allah’tan basqa
Quday bolmaganına
Şayitlik etermen.
Em Muhammed aleyhisselam,
Allah’tıñ elşisi bolgan.
Em barı hamd şükür,
Sena em maqtavlar,
Yalgız Allah’qa bolgan.’
Manelerindeki sözlermen,
Sen bîr öküm bildiresin...
Bîr davaga şayit bolup
Em inanıp qabul etesin...
So sözlermen aytqanıñ
Esaslar, em nav itikatıñ,
Senin tilinden şıgar şıqpas,
Milyonlarşa mü’mindiñ
Aytqanlarına, sen tagı
Tasdikşi em şayit bolup
Sosınlarga yuvıq bolasın...
Nav mübarek sözlermen
Sen em olarga qarısasın!
Mü’minler em seniñ aytqanına:
‘Aytqanın tuvra bolgan!
Biz em şayit bolamız!’ dep
Sosı aynı sözlermen
Seni tasdik eteberip
Olar saga em şayit boladı...
Sen olarga qosulganga,
Onlar saga quvat boladı.
Sen tagı barı mü’minge,
Arqa şıgıp küş bolasın...
Öziñ bîr basına,
Yalgız qalmay milyonlarşa
Müsülmanman barabar,
Bîr izada turasın ...
Senin inanganlarındı,
Yüreginden qabul qılgan
Milyonlarşa müsülman em,
Baresi em aytqanga,
Sosınlarman bîr bolup
Yüregiñ tınış boladı!
Neşe insan aynı sendey
Bîr aqıyqatqa inangan sebep,
Milyonlarşa arüv insandıñ,
Yañlış bîr itikattıñ
Tögereginde yıyılıyagını,
Äş bîr es qabul qılmaganga,
İymanın ziyada boladı!
Ayriyeten İslamiyettiñ
Tuvra aqıyqat bolganına,
Em ökümleriniñ haq,
Üşün, tüz bolganına,
Delalet, işaret etken
Barı delil em şayitler,
Seniñ inangan davandıñ,
İtikatıñdıñ haq bolganına,
Baresi em delil bolup,
Ayriyeten şayitlik etedi...
Sosı dindiñär ökminiñ
Tuvralıq em biyikligine,
Milyonlarşa üyken alim,
Sansız deliller aytadı;
Mine sosı aytqanları,
Em közbinen körilgen
Tarihtiñ şayitligi,
Seniñ inanganıñ esaslardıñ
Üşün haq bolganına,
Sansız şayitler boladı...
Tagı sosı aytqanıñ
Ol mübarek em muqaddes,
Kelamlarga, sözlerge,
Bek üyken ugurlar,
Feyiz em bereketler yavadı.
Tagı müsülman bolgan,
Em Allah’tı bîr bilip
Yalgız soga inangan
Barı mü’min ademler,
So mübarek sözlermen
Yürekleriniñ işinde,
Manevi zavqlar tabadı...
Tagı yaşav suvınday
İnsanlarga yan berip,
Em Yannet şarabınday
Tatli kelip keyip beredi...
Aytqanın so sözlermen,
Sen ey namazlardı qılgan,
Em zikir etken arkadaş!
Aynı so müsülmanlarday,
Nav muqaddes sözlerdiñ
Ayaq em şomaqalarıman,
Sen tagı toygaşa,
Qana qana işesin...”
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com