►Nogayşa 189: Maneli bȋr sorav (4)

Bîr üyken alimdiñ

Süygü degen nimettiñ 

Aqıyqatı baresinde,

Maneli bîr soravga 

Bergen yavablarınıñ

Qalganını aytamız:

“Mine nav sayganımız  

Barı süygüler, eger

Avvel aytılganday bolsa,

Qıynaltpas nazzet bolgan...      

Em yoqluqqa ketpey turup,

Ayrılıgı em bolmagan...

Barı süygenlerine

Dayim qavısqan al bolgan...

Em Allah’tıñ süygüsini, 

Ketkeysaytın arttırgan...

Halal süygü bolgan üşün,   

Haramlardan uzaq qalgan...

Tagı sosı tuvra süygü,  

Nazzet bergeni qasında,

Özi em şükür bolup

Allah üşün oy bolgan... 

Sosı manege bîr misal: 

Ullı bîr patşa saga,

Bîr almadı ihsan qılsa,

So almada eki süygü,     

Em eki nazzet tabılgan:

Nav süygüdiñ bîrevi,    

Alma, alma üşün süyülgen...

Yalgız almada bolgan     

Alma täti sebep süyülgen...

Nav süygü patşaga tuvıl,     

Tuvradan almaga bolgan...

Hale bîr de so almadı, 

Patşadan algan adem, 

Patşadıñ huzurunda

Sonı avzına atıp      

Aşavga baslasa,    

Sosı almen ol adem,

Soga almadı bergen     

Patışadı tuvıl,   

Alma em nepsini süygen...

Mine sosı süygüge,    

Almadı oga bergen 

Patşa razı bolmagan...

Sol ademdiñ alini    

Begenmegen, süymegen...

Özi qasında almadı,     

Yutavıygan ol ademden

Sıgılgan em şiykengen... 

Nav manediñ qasında,

Em almadıñ nazzeti,  

Alma qadar az bolgan...

Nege dese alma täti, 

Avızdan ötken soñ, 

Nazzeti em qalmagan...

Alma tavsilgen vaqıt,     

Nazzeti em tavsilgen!

Artta qalgan qaygı bolgan!

Tagı ekinşi süygü:    

Patşa bîr almadı,       

Är kimge iqram etse,

Alma miñ qat qıymat algan...

Patşadıñ so ademge  

Süygüsinin ülgüsi,

Tagı qıymat bergeniniñ  

Közben körülgen kebi bolgan. 

Nav sebepten ol adem, 

Patşa alma berdi dep,  

Köp süyüngeni sebep,  

Patşadıñ bergeni   

Ol almadı yemey turup    

Bası üstüne salsa,    

Patşadı süygenini,    

So örmetli alimen   

Körsetip iylan etken...

So qaravış sebebimen,       

Patşadıñ iltipatınıñ 

Qabı bolgan bîr meyvada,      

Neşe artıq nazzet tabılgan...

Sosı nazzet tagı em,   

Mîñ alma nazzetiniñ   

Üstünde bîr täd bolgan.

Özi em teşekkür bolgan...

Nav süygü patşaga,   

Örmetli bîr süygü bolgan...

Mine sosı misallerde 

Körilgen manelerdey 

Barı nimet, meyvalardıñ

Özi zatları üşün      

Eger süygü körsetilse,

Gapletpen yalgız maddi       

Nazzetinden tät alınsa,

Süygi nepis üşün bolgan...

Em sosı nazzetler,

Barı ötüp ketkenge,  

Qalgan zat qaygı bolgan...

Eger barı nimetler, 

Cenab-ı Haq’tıñ rahmetiniñ 

İltifatı dep körülse,

Ya de neşe ihsanınıñ     

Meyvası dep süyülse;

Artından ihsanlardıñ, 

Em barı iltifatlardıñ,   

Lutuflardıñ darecesini,

Yahşılıgını köreberip     

Sosınlarga süyünülse;

İşten kelgen tap iştaqpan     

Neşe nazzetler alınsa,

Em manevi bîr şükür,  

Em qaygısız nazzet bolgan...”  

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com