Nogayşa 187: Maneli bȋr sorav (2)

►Nogayşa 187: Maneli bȋr sorav (2)

Bîr üyken alimdiñ

Süygü degen nimettiñ 

Aqıyqatı baresinde,

Maneli bîr soravga 

Bergen yavablarından

Qalganlardı aytamız:

“Tagı ana, aqaga, 

Şepqat, maramat berip 

Seni onlardıñ maramatlı

Qollarına taslap,   

Sosınlarga qaratıp,   

Bılay keppen besletken

Quday’dıñhikmeti,   

Em rahmeti atına   

Onlarga örmet etsen;

Alal almen yürekten, 

İşinden kelip süysen,

Sosı süygün ol vaqıt, 

Allah namına boladı...

Sosı süygü, örmet, şepqat, 

Rahman üşün bolganına 

Bîr işaret em nav boladı:

Onlar qartlıqqa barsa,

Em saga sosınlardan

Äş bîr payda kelmegen

Qıyınlıq, meşaqqatqa, 

Atqanları vaqıtta,  

Taga ziyada süygü,

Maramat em şepqatpan    

Sosınlardı qorşalasan,

Mine sosı süygün seniñ  

Quday atına boladı...

Em bîr Quran ayetinde,   

Manesimen aytılsa: 

 “Anan em atandan  

Bîrevi ya ekevi,   

Senin qasında ekende,

Qartlıq şagına barsa,  

Saqın sen onlarga, 

‘Öf!’ bile dep aytpa!”

Ayeti insanlardı, 

Bes martabe örmetpen 

Em şepqatqa avletlerdi,

Davet etip şaqıradı;

Qur’an’dıñ qaravınşa     

Ana aqa haqları,

Ne darece köp müyim; 

Em sosınlarga isyandıñ 

Qaysı martaba yaman     

Bolganını nav ayet,

Aşıq etip körsetedi...

Madem ata yalgızca 

Basqalarını tuvıl,    

Tek avletiniñ özinden

Taga ziyada arüv    

Bolganını tiler;  

Atadıñ nav yahşı,     

Biyik aline qarşı,      

Avlettiñ atasına

Haq davası bolmaydı...

Demek ana, aqaman   

Baladıñ arasında,     

Fıtratları sebebimen

Nizaga yol bolmaydı...

Nege dese münaqaşa,

Bîrbîrine nizalasqan:  

Bîrevge bîr adem,     

Imtılsa ya qızgansa,

Nav sebepten şıqadı. 

Tek bîr ataga, ımtılgan,

Ya avletini kızgangan,

Sosı kepte yaman al,    

Zaten oga yuqpaydı...

Yade sosı niza,  

Haqsızlıq bolsa keledi...

Sosı betten bolsa em,

Bîruldın atasına,

Haq dava etiyek    

Gene haqqı bolmaydı...

Hatta ul atasından

Haqsızlıq körse tagı,   

İsyan haqqı bolmaydı!

Demek ataga bala,    

Eger isyan etken bolsa, 

Ziyadası qıynaltsa,

İnsanlıqtan şıgıp özi,   

Bîr vahşi talavşı      

Yanavar ayvan boladı...

Ballarga süygü bolsa,   

Eger sosı avletlerdi, 

Soñsız Rahim em Kerim  

Allah’tıñ ediyaları, 

Bolganları sebebimen,

Tap bîr şepqatpan, 

Tagı em maramatpan    

Süyüp qorşalaganın,     

Allah’qa süygü boladı...

Avletlerdi Allah üşün  

Süygendiñ bîr işareti,   

Eger onlar keşinse,

Yani dünyadan köşip

Quday rahmetine ketse,  

Sosınlardıñ artından 

Sabır em şükürminen

Razı bolıp qalınsa;

Umutsuzşa qışqırıp 

İsyan etip yılamasa,  

“Sosı balam özimdiñ

Nezaretine berilgen    

Allah’tıñ yaratqanı    

Bîr süygüli qulı edi,

Hikmeti kerekkenge      

Endi menden alıp sonı, 

Taga arüv bîr yerge,  

Özi qasına aketti...

Benim sosı balamda,

Bîr hissem bar bolsa,     

Aqıyqı miñ hisse,

So balamdı yaratqan  

Rahim Allah’tıñ boladı!”

Degen sözben barabar, 

 “El-hükmü lillah” dep,  

Ökmine moyın iyip, 

Qazasına teslim bolsa,

Bîr qulga nav yahşı al,

Köp yaqışıp turadı...

Tagı kerekken so boladı...

Em dos, ahbab bolsa, 

Eger sosınlarmınan    

İymanlı salih amelli

Bolganları sebebimen   

Üşünley dos bolınsa,  

Sosınlardı süyüv em,

Allah’qa süygü boladı...

Qalganlardı keliyek yuma     

Quday bizge nasip qılsa,

Aytaberiyek inşallah...   

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com