1800 yıllıq ügez başı
Törkiyäneñ Perre antik qalasındağı qazınularda qızıqlı tabıldıq çıqtı
Törkiyäneñ Adiyaman töbägendäge Perre borınğı qalasında baruçı qazınular waqıtında Rim çorına qarawçı 1800 yıllıq ügez başı rel’yefı tabıldı. Arxeologik tikşerenü älege tarixi urında 2001nçe yılda başlana. Şul çaqtan birle Rim çişmäse, zur blok taşlar, su kanalları häm törle arxitektur qorılmalar qazıp çığarıla.
Tuqtalıp torğan qazınular bıyıl aprel’ ayında 76 keşe belän qabat başlandı. Törkem ber qaber qorılmasında ügez başı rel’yefı tabuların citkerde.
Adıyaman muzeyı mödire Mäxmät Alkan bıyılğı qazınularnıñ axırına yaqınlaşuın, êşçänlek barışında qızıqlı qaberlekkä tap buluların belderde. “Ügez başı rel’yefı täwge tapqır tabıldı häm yasalu waqıtı monnan 1800 yıl êlekkelärgä qarıy. Monnan tış, yanında Xamosorion törendä 3 qaber häm 2 täq’dim çoqırı çıqtı. Bu ügezneñ köç simvolı buluın häm qaberlärne saqlawın añlata”,-dip söyläde belgeç.
