Misırda mumiya tabıldı

Misırda patşalık qaberläre urın alğan tarixi Sakkara töbägendä alıp barılğan arxeologik êşçänleklärdä 5nçe häm 6nçı Firğawen dinastiyase çorına qarağan ber mumiya belän 9 häykäl häm qayber qıymmätle äyberlär tabıldı.

Misırlı arxeolog, êlekke Tarixi äsärlär ministrı Zahi Havas matbuğat oçraşuı oyıştırıp, Sakkara töbägendä ütkärelgän arxeologik qazular häm tabılğan yaña äsärlär xaqında açıqlaw yasadı.

Havas qazularda 4300 yıllıq buluı uylanılğan ber mumiya, 9 häykäl häm qayber qıymmätle äyberlärneñ tabıluın belderde.

Zahi Havas tabılğan äsärlärneñ 5nçe Firğawen dinastiyase çorına qarawın açıqladı.

“Tabılğan mumiya ir-atnıqı. İseme – Heka Şibs. Bu tabut 4300 yıl buyı ber dä açılmağan,” – dide ul.