3 çınayak kähwä infarkttan saqlıy

Köndä 3 çınayaq kähwä yöräk öyänäge qurqınıçın 21%qa kimetä. Vengriyäneñ Zemmel’veys universitetı bu xaqta moña qadärge iñ külämle tikşerenüne ütkärde.

11 yıl buyı 468 meñ 629 keşeneñ kähwä êçüe belän sälamätlek problemaları arasındağı bäyläneş tikşerelde. Näticä: älege xuş isle êçemlek yöräk awıruları häm öyänäge qurqınıçın ähämiyätle ülçämdä kimetä.

Tikşerenügä qarağanda, köndä 3 çınayaq kähwä êçü yöräk çirlärennän ülem yanawın 17%qa, infarkt kiçerü qurqınıçın 21%qa azayta.

Amerikanıñ yaman şeş tikşerenüläre institutı da uzğan yıl köndä 6-7 çınayaq kähwä êçüneñ awırudan ülem ixtimalın 16%qa kimetüen beldergän ide. Monnan tış, älege êçemlekneñ depressiyäne 20%qa, 2nçe tör diabetnı 27%qa kimetüe isbatlandı.

Tik şunısı da bar – belgeçlärneñ täq’dime törek kähwäse häm fil’trlanğan kähwä belän çiklänä. Monıñ tışındağılar isä êçendäge qatnaşmalar säbäple sälamätlekkä zararlı bulırğa mömkin.