Awrupada täwge uran yağulığı ob'yektı tözeläçäk

Angliya yaña buın atom-töş stanśiyälärenä yağulıq täêmin itü maqsatınnan Awrupanıñ täwge yuğarı külämle az bayıtılğan uran (HALEU) citeşterü ob’yektın töziyäçäk. Monıñ öçen 196 million funt-sterling bülengän.

Ênergetika iminlege häm qaldıqsız citeşterü ministrlığınnan belderülärençä, Angliyä xäzerge waqıtta Rusiyä xakimlek itüçe uran yağulığı bazarında üz süzen äytergä äzerlänä.

Atom-töş stanśiyälärenä yağulıq citeşterüçe ob’yektnıñ 2031nçe yılğa qadär ildä qullanu häm êksport öçen uran bayıtuı maqsat itep quyıla. Bu Awrupada täwge şundıy êşxanä.  Çeşir graflığında qorılaçaq ob’yektta 400gä yaqın yuğarı kvalifikaśiyäle êş urını buldırılaçaq.

Angliyä xökümäte räise Rişi Sunak Rusiyäne Awrupanıñ ênergetika bazarınnan çığaru öçen uran bayıtu ob’yektı tözüneñ şart buluın belderä. “Rusiyä bik ozaq waqıt bu köçle atom-töş yağulığınıñ berdänber täêminatçısı häm bu - anı ênergetika bazarınıñ tulısınça tışına êtep çığaru öçen yasalaçaq axırğı adım”,-dide ul.  

Angliyä atom-töş ênergiyäse külämen 2050nçe yılğa qadär 4 tapqır arttırunı häm tarmaqta axırğı 70 yılnıñ iñ zur kiñäyüen maqsat itep quyuın monnan alda beldergän ide.