"Togg" liderlığın saqlıy

Törkiyäneñ cirle avtomobile “Togg” êlektr maşinaları bazarındağı liderlığın şubat ayında da saqlap qala aldı. Häm şaqtıy zur ayırma belän.

Törkiyädä uzğan ayda 4 meñ 713 danä “tulısınça êlektrlı” avtomobil’ satıldı. Anda “Togg” 25,48%lıq öleş belän berençelekne aldı. Bu 1201 maşina digän süz.  Annan soñ 523 danä belän “BMW” häm 510 danä belän “Ssangyong” kilä. Tesla isä fevral’dä 75 danä satıldı häm isemlektä 11nçe urınnı aldı.