Rusiyä benzin êksportın tıya

Rusiyä 1 marttan başlap 6 ayğa benzin êksportın tıyaçağın belderde.

Tıyuğa säbäp bularaq qullanuçı häm igençelärneñ artqan taläpläre häm neft’ êşkärtü zavodlarındağı tikşerü kürsätelä.

Rusiyäneñ prem’yer-ministr urınbasarı Aleksandr Novak prem’yer-ministrğa cibärgän xatta: “Neft’ êşlänmälärenä taläpneñ tigezlänüe häm êçke bazardağı bäyä totrıqlılığınıñ täêmin itelüe öçen çaralarnıñ kürelüe zarur,” – dip yazdı.

Rusiyä şuşı uq tıyunı êçke bazardağı yuğarı bäyälär häm produktnıñ yuqlığı problemasına qarşı köräş maqsatı belän uzğan yılnı sentäbr’-noyabr’ aylarında da kertkän ide.

Ul waqıtta barı tik Belarus’, Qazaqstan, Ärmanstan häm Qırğızstan öçen iskärmä yasalğan ide.

Bu tapqırğı tıyu Awraziya iqtisadi berlegenä äğza bulğan illärne, Mongoliya häm Üzbäkstannı üz êçenä almıy.

Yaña yıldan birle Rusiyä birjasındağı benzin häm dizel’ bäyäläre 8-23% tiräse kütärelde.