"Togg" Germaniya matbuğatında

Türkiyäneñ ğorurlığı bulğan cirle êlektrlı avtomobil’ Toggnı Germaniya matbuğatı maqtağan.

“Frankfurter Allgemeine Zeitung” gazetı Togg xäbären berençe bittän “Törek Teslası “Togg”ka taläp zur” başçası belän citkerde.

Türkiyä avtomobilenä kiñ urın birelgän xäbärgä kürä zur taläp arqasında planlanğannan kübräk sanda maşina iyälärenä tapşırılaçaq.

“Türkiyädä yasalğan berençe êlektrlı avtomobil’ bazarğa çığa” cömläse belän başlanuçı xäbärdän kürengänçä 100 meñnän artıq zakazdan soñ 2023 yılda smart cihaz 12 meñ tügel, ä 20 meñ keşegä tapşırılaçaq.

“Togg” belän qızıqsınuçı läkin Türkiyä çitendä yäşäwçe kliyentlarnıñ beraz kötärgä mäcbür bulaçağı citkerelde.

Könbatış Awrupa bazarlarına êksportnıñ 2024tä çınğa aşaçağına işarät itelde.

“Frankfurter Allgemeine Zeitung” basması xäbärendä közen başlanğan citeşterü köçeneñ 100 meñ avtomobil’ buluı assızıqlandı.

Monıñ êtaplı bularaq 175 meñgä citkereläçäge häm xezmät cilpäzäseneñ kiñäyteläçäge belderelde.

2030 yılğa qadär ber million maşina satu maqsat itep quyıla.