Yevro töbägenä quşılu öçen äzerlek xisabı
Xisaptan kürengänçä, 8 äğza ildä törle däräcälärdä alğarış küzätelde,ämma barı tik Litva kriteriylarnı ütäde
Awrupa komissiyäse Berlekkä äğza 8 ilneñ Yevro töbägenä quşıluı öçen äzerlegen çağıldıruçı xisap äzerläde.
Xisaptan kürengänçä, 8 äğza ildä törle däräcälärdä alğarış küzätelde.
Fäqät bu äğza illär arasında barı tik Litva kriteriylarnı ütäde.
Komissiya Awrupa Berlege ministrlar şurasına Litvanıñ 2015 nçe yılnıñ 1 nçe iyünendä 18 äğzalı Yevro töbägenä kerüe öçen täqdim yasayaçaq.
Älege mäs’älä 26-28 iyündä ütkäreläçäk Awrupa Berlegeneñ yuğarı däräcäle oçraşuında häm Awrupa parlamentında bäxäsläşeläçäk.
Awrupa Berlege ministrlar şurası iyül axırında bu xaqtağı soñğı qararın qabul itäçäk.
Yevro töbägeneñ 19 nçı äğzası bulaçaq Litva älege qararğa bik şatlanuın citkerde.
Litva premyer-ministrı Algirdas Butkevicius Ukraina krizisı belän bergä älege qararnıñ tağın da zur ähämiyätkä iyä buluın belderde.
