İrle-xatınlı parda yuğarı qan basımı
Ägär ir belän xatınnıñ bersendä gipertoniya bulsa, ikençesendä dä barlıqqa kilü mömkinlege arta
CNNnıñ xäbärenä qarağanda, Miçigan, Êmori häm Kolumbiya universitetlarınnan tikşerenüçelär Qıtay, AQŞ, Hindstan häm Angliyädä yäşäwçe urta yäş’lärdäge häm annan da ölkänräk parlardan 2015nçe yıldan 2019ğa qadär cıyılğan mäğ’lümatlarnı analizladı. Anda Angliyädän - 1086, AQŞtan - 3 meñ 989, Qıtaydan - 6 meñ 514 häm Hindstannan 22 meñ 389 irle-xatınlı 3 törle qan basımın ülçäw ısulı aşa uza. Parlarnıñ küpmesendä berdäy gipertoniya buluına iğ’tibar itälär.
Tikşerenüdä Angliyädäge parlarnıñ 47,1%ında, AQŞta - 37,9%ında, Qıtayda 20,8%ında häm Hindstanda 19,8%ında ikesendä dä yuğarı qan basımı buluı açıqlana.
Näticälärdän kürengänçä, xalıq tığız urnaşqan illärdäge barlıq gipertoniya oçraqlarınıñ yaqınça yartısın irle-xatınlılar täşkil itä.
Yuğarı qan basımınıñ AQŞ häm Angliyädä, Qıtay belän Hindstanğa qarağanda, tağın da kübräk oçrawı belderelde.
