Yaman şeş awırularınıñ artıq awırlıq belän bäyläneşe açıqlandı

 Yaman şeş awırularınıñ 40%ınıñ artıq awırlıq belän bäyle buluı açıqlandı.

“Hindustan Times” xäbärenä qarağanda, Şveśiyäneñ Mal’mo şähärendäge Lund universitetı ğalimnäre yaqınça 40 yıl êçendä 4 million 100 meñ keşeneñ mäğ’lümatların tikşergän.

Tikşerenüdä ğalimnär artıq awırlıqqa bäyle yaman şeş awıruları sanınıñ artuın açıqlıy.

Tikşerenü näticäläre raknıñ 32 töre simerü belän bäyläneşle buluın kürsätä, alardan iñ kiñ taralğannarı - kükräk, êçäk, analıq häm böyer yaman şeşläre.

Ğalimnär rak awırularınıñ 40%ınıñ artıq awırlıq belän bäyle buluına basım yasıy.

Bötendön’ya sälamätlek saqlaw oyışması mäğ’lümatlarına qarağanda, dön’yada 1 milliardtan artıq keşe simerüdän integä, 1990 – 2022 nçe yıllar arasında balalarda häm yäş’üsmerlärdä simerü oçraqları 4 tapqır artqan.