Äfğanstanda su basularda ülüçelär kübäyä
Tabiğıy afättä ğomeren yuğaltuçılar sanı 400gä yaqın
2141236
Äfğanstanda su basular arqasında ğomere özelüçelär sanı 400gä yaqınlaştı. Soñğı waqıtlarda ildä çiktän tış küp yawğan yañğırlar faciğağa säbäpçe buldı. Su basularda meñnärçä gektar basu-qır qullanılmas xälgä kilä, meñnän artıq öy zarar kürä häm 300dän kübräk mal-tuar hälaq bula.
Su basular häm taşqınnar waqıtında yuqqa çıqqan keşelärne êzläw däwam itä.
Äfğanstanda qışın yawğan qarlarnıñ yazın êrüe, köçle yañğırlar häm asqormanıñ citärsez buluı näticäsendä barlıqqa kilgän su basularda här yıl yözlärçä keşeneñ ğomere özelä.
