Sudanğa gumanitar yärdäm kiräk
Sudanda 25 million keşe gumanitar yärdämgä moxtac
Berlӓşkӓn Millӓtlӓr Oyışmasınıñ Gumanitar êşlär belän koordinaśiyaläw ofisı süzçese Yens Laerke BMOnıñ Jenevadağı ofisında matbuğat oçraşuı oyıştırdı.
“Sudanda xalıq sanınıñ yartısına turı kilüçe 25 million keşe gumanitar yärdämgä ixtıyac toya. Qıtlıq häm xastalıqlar yaqınlaşa,” – digän süzçe watandaşlarnıñ ayıruça Darfur provinśiyasendäge bäreleşlärdän zıyan kürüen belderde.
Laerke BMOnıñ Sudan öçen qatışu planı qısalarında zıyan kürgän 15 million keşegä ireşergä maqsat itülären äytte.
BMO citäkçelegendä 2024 yıl öçen başlatılğan 2,7 milliard dollarlık yärdäm çaqıruınıñ barı tik 12%ınıñ finanslanuın citkergän süzçe: “Bu – fäläkät däräcädä citärsez fondlanğan çaqıru,” – dide.
Yens Laerke xäyriyäçelärne birgän süzlärendä torırğa häm Sudanğa yärdäm kürsätergä çaqırdı.