Su basu qorbannarınıñ sanı arta

Braziliyäneñ kön’yağındağı Riu – Grandi - du - Sul ştatında köçle yawım-töşemnär kiterep çığarğan su basudan ğomerlären yuğaltqan keşelär sanı 150gä, yuğalğannar sanı 112gä citkän.

Bu xaqta ştatqa bäyle Grajdannar saqlanu bülekçäse xäbär itä.

Su basu afätendä 807 keşe yaralanğan, annan zıyan kürüçelär 2 million 120 meñnän artıq.

620 meñnän artıq keşe yäşägän cirlären taşlap kitärgä mäcbür bulğan.

Fäläkät töbägennän 80 meñ keşene qotqarğannar häm êzläw-qotqaru êşläreneñ däwam itüe belderelä.

Riu- Grandi- du - Sul  ştatı gubernatorı Êduardo Leyt  3 nçe mayda yasağan belderüendä faciğanıñ zurlığı arqasında 180 könlek afät torışı iğ’lan itülären citkergän ide.

Braziliya däwlät başlığı Luiz İnasiu Lula da Silva da öç tapqır afät töbägendä buldı.