AQŞ Kongressında - narkotik
Kongress binasında qaldırılğan paket êçennän narkotik matdä çığa
2140437
Amerika Quşma Ştatlarında Kongress binasında tabılğan paketnıñ êçennän narkotik matdä çıqtı. Poliśiyädän belderülärençä, älege paket Kongress urnaşqan Kapitoliy binasında bula. Paket êçendäge aq töstäge matdäne analizğa cibärälär. Ul kokain bulıp çığa.
Paket bik küp keşe uzıp yöri torğan urında - ikençe qattağı koridorda tabıla. Anı kemneñ qaldıruın açıqlaw öçen DNK testı yasalaçaq.
2023nçe yılnıñ 2nçe iyülendä dä Aq Yortta tabılğan şöbhäle matdäneñ analizdan soñ kokain buluı açıqlanğan ide. 2022nçe yılda da Yäşeren xezmätneñ Aq Yortta täwge tapqır narkotik matdä tabuı turında süzlär çıqtı.
