İndoneziyada cir şuışu häm su basularda ülüçelär kübäyde

İndoneziyäneñ Könbatış Sumatra töbägendä Merapi yanartawı şartlawı waqıtında cıyılğan taş, köl häm tufraq öyemnäreneñ musson yañğırları arqasında şuışuı säbäple häm barlıqqa kilgän su basularda ğomere özelüçelärneñ sanı 50gä citte.

Ğadättän tış xällär ağentlığınnan yasalğan belderügä qarağanda, cirlektä tağın 7 keşeneñ mäyete tabıldı. Yaralanuçılar 37 bularaq terkälde. 27 keşe isä yuğalğan sanala.  

Töbäktä afät arqasında 3 meñ 396 keşe yäşägän cirennän kitärgä mäcbür buldı. Naçar hawa şartları säbäple êzläw-qotqaru êşläre waqıtlıça tuqtatılıp tora.

Hälakätkä duçar bulğan cirleklärdä küçmä kuxnya häm su çistartu qorılmaları quyıldı.

İndoneziyada Sumatra utrawınıñ könbatışında urın alğan Merapi yanartawı täwge tapqır 3nçe dekabr’dä şartlağan ide. Şunnan soñ ul yözlärçä tapqır attı.