Xar'kovqa yaña höcümnär dulqını başladı

Ukraina däwlät başlığı Volodimir Zelenskiy Rusiyä armiyäseneñ Xar’kov töbägenä yaña höcümnär dulqını başlawın belderde. Ul başqala Kiyevqa räsmi säfär belän kilgän Slovakiya ilbaşı Zuzana Çaputova belän bergä matbuğat oçraşuı ütkärde.

Zelenskiy Xar’kovqa höcümnärneñ artuın, Ukraina armiyäseneñ dä Rusiyä berleklärenä artilleriyadan ut açıp cawap birüen söyläde.

Ukraina saqlanu ministrlığı da sośial’ mediada Xar’kov töbägendäge soñğı xäl belän bäyle belderü yasadı. Anda Rusiyä armiyäseneñ höcümnäre kire qaytarıluı häm cirlekkä saqlanunı köçäytü öçen östämä berleklär cibärelüe äytelä.