İpi êçennän tıçqan qaldıqları çıqtı

Yaponiyädä paketlı ikmäklärneñ ber öleşendä tıçqan qaldıqları tabıldı. Älege säbäptän 100 meñnän artıq ipine kire cıyalar.  “PASCO Şikişima” şirkäte peşerä torğan älege paketlı ikmäklär il külämendä bik küp kibetlärdä satıla. Alarnıñ tovarları Amerika Quşma Ştatları häm Qıtayğa da êksportlana.  

“PASCO Şikişima” şirkätennän belderülärençä, tıçqan qaldıqları telemlängän ikmäklärneñ berniçä paketınnan çığa. Älegä qadär ipine aşawçılardan berkem dä çirläp xastaxanägä möräcäğat’ itmägän.

Däwlät telekanalı NHKnıñ xäbärenä qarağanda, “PASCO” şirkäteneñ başqala Tokiodağı êşxanäse waqıtlıça yabılğan.