Fälästinle 256 sportçı üterelde

Fälästin futbol federaśiyäse räise Cibril är-Racub İzrailneñ 7nçe oktyabr’dän birle däwam itüçe höcümnärendä fälästinle 256 sportçı, trener häm menedjer üterelüen belderde. Ul media oyışmalarına interv’yusında İzrailne “genośid” başqaruda ğayepläde.

Racub tağın distälärçä sportçınıñ Ğazzä sızığında cimereklär astında qaluın häm alarnıñ tögäl sanı bilgele bulmawın, yözlärçäseneñ isä İzrail törmälärendä buluın söyläde.  

İzrail höcümnäre näticäsendä Ğazzädä 55tän artıq sport qorılması cimerelgän, alarnıñ 45e futbolnıqı.