Braziliyädäge faciğanıñ qorbannarı arta

Braziliyadağı su basu hälakätendä ülüçelär sanı tağın da arttı.

İlneñ Rio-Grande-de-Sol töbägendä uzğan atnadan birle xakimlek itüçe yañğırlardan soñ barlıqqa kilgän su basularda 107 keşeneñ hälaq buluı, yuğaluçılarnıñ 136ğa citüe açıqlandı. Sälamätlegenä zıyan kilgän 374 keşe xastaxanädä. Êzläw-qotqaru êşläre tuqtawsız däwam itä. Ülüçelär sanınıñ artacağı farazlana.

Cirle matbuğatta çıqqan xäbärlärgä qarağanda, meñnärçä keşe êlektrsız häm internetsız qaldı.

Rio-Grande-de-Sol gubernatorı Êduardo Leyte 3nçe mayda yasağan belderüendä faciğanıñ zurlığı säbäple 180 könlek “hälakät xäle” iğ’lan itülären citkerde.