Ukraina törmädägelärne suğışqa cibäräçäk
Bu xaqtağı qanun proyektı parlamentta qabul itelde
Ukraina törmälärdäge mäxkümnärne suğışqa alaçaq. Parlamentnıñ internet säxifäsendä monıñ belän bäyle qanun ölgeseneñ qabul itelüe belderelde.
Deputat Oleksiy Gonçarenko älege qanunnı yazuçılarnıñ berse. Ul bolay di: “Min inde küptännän ciñelçä cinayät’lär öçen utıruçı mäxkümnärneñ watannarın saqlaw xoquqına iyä bulırğa tiyeşlegen yaqlawçı qanun proyektın terkägän idem. Alarğa, telägän oçraqta, suğışu mömkinlege birergä kiräk”.
Gonçarenko üterü, köçläw, milli iminlekkä yanaw şikelle awır cinayät’lär öçen utıruçılarnıñ mobilizaśiyägä kertelmäyäçägen citkerde.
Xakimiyättäge “Xalıq xezmätçese” partiyäseneñ parlament törkeme citäkçese David Abraxamiya da bu nisbättän belderü yasadı. Ul 15-20 meñ mäxkümneñ mobilizaśiyägä çaqırıla aluın äytä. “Bolarnıñ niçäseneñ kileşü imzalayacağın belmibez, çönki bu yaqlarnıñ kileşüe nigezendä êşlänäçäk. Berniçä meñ keşe bulaçağın farazlıybız”,-di Abraxamiya.