Sêndviç aşap 560 keşe ağulandı

V’yetnamda cirle uram rizığı sanaluçı “ban mi” sêndviçların aşağan 560 keşe ağulanıp xastaxanägä salındı. Dongnay provinśiyäseneñ Longxan’ şähäre wäqalätleläre citkergänçä, älege rizıq 30nçı aprel’dä ber ikmäk peşerü noqtasında yasap çığarılğan.

Sêndviçnı aşağan 560 keşe xäle naçarayıp xastaxanägä möräcäğat’ itä. Alarnıñ 12seneñ xäle ayıruça awır buluı belderelä. Cirle sälamätlek saqlaw idaräse ağulanuçılarnıñ qannarında çi it, sır häm ciläk-cimeşlärdä oçrıy torğan êçäk tayaqçığı bakteriyäse açıqlanuın belderde.

Wäqalätlelär älege ikmäk peşerü noqtasınıñ kön sayın urtaça 1100 sêndviç yasawın häm ağulanu şöbhäse belän xastaxanägä möräcäğat’ itüçelärneñ artuın citkerde. Ob’yekt waqıtlıça yabılğan. Anda uzdırılğan tikşerüdä azıq-tölek qurnıçıslığı normalarınıñ bozıluı açıqlanğan.

Tradiśion V’yetnam uram rizığı bulğan häm kümäç arasına tozlı qıyar belän suıq it quyıp äzerlänüçe “ban mi” sêndviçlarınıñ şähärdäge êsse hawa dulqını arqasında bozıluı farazlana.