Räfaxtan qaçalar

İzrailneñ Ğazzä sızığındağı Räfax töbägenä cirdän höcüm başlawı ixtimalı säbäbe arqasında meñnärçä keşe küçenä.  Fälästinneñ “Qızılay” cämğıyäte bu xaqta sośial’ media aşa xäbär itte.

İzrailneñ Räfaxnıñ könçığış öleşenä cirdän höcüm äzerläwe näticäsendä fälästinlelärneñ küçenergä mäcbür buluı äytelgän belderüdä töbäkkä hawadan da höcümnärneñ artuı citkerelde.

Fälästin “Qızılayı” Räfaxnıñ suğıştan qaçuçı Ğazzä xalqınıñ yaqınça yartısın üzenä sıyındıruın xäterlätep, gumanitar hälakät bula aluı turında kisätte.

İzrail armiyäse kiçä irtän yasağan belderüdä Räfaxnıñ könçığışındağı qayber mäxällälärneñ buşatıluın taläp itte. Anda yaqınça 100 meñ keşe yäşi. Älege fälästinlelär mäcbüri räweştä yäşägän urınnarın taşlap küçenä başladı.