İtaliyada faciğa

İtaliyäneñ Siśiliya töbägendä yuıntıq sularnı çistartu ob’yektında bulğan qazada 5 êşçeneñ ğomere özelde, 1se awır yaralandı. Waqıyğa Palermoğa 20 çaqrım yıraqlıqtağı Kastel’daççada bula.

Qazanıñ säbäbe turında älegä räsmi belderü yasalmadı.

İtaliya xökümäte räise Djordjiya Meloni “Bu faciğağa tulı mäğ’näsendä açıqlıq kertelergä tiyeş”,-dide. Ul hälaq buluçılarnıñ ğailäläreneñ qayğısın urtaqlaştı, däwalanuçı êşçegä isä tiz arada sälamätlänüen teläde.