Ğazzädä şartlamağan bombalar riskı bar

Berlӓşkӓn Millӓtlӓr Oyışması Ğazzäneñ zur miqdarda şartlamağan bombalar riskı arqasında iñ qurqınıç êtapta buluı turında kisätte.

BMO Minanı täêsirsez xälgä kiterü xezmäteneñ Fälästindäge şefı Mungo Byorç Jenevada başlanğan “27nçe Xalıqara mina êşçänlekläre milli mödirläre häm BMO kiñäşçeläre cıyılışı” qısalarında belderülär yasadı.

Byorç 2023 yılnıñ 7 oktäbrennän bügengä qadär İzrailneñ tığız höcümnäre astındağı Ğazzäneñ zur miqdarda şartlamağan bombalar riskı arqasında iñ qurqınıç êtapta buluı turında kisätte.

Qazalarnıñ kübeseneñ keşelär Ğazzäneñ tön’yağına qayta başlağan waqıtta barlıqqa kilä alaçağın beldergän Mungo Byorç: “Çönki şartlamağan bombalarnıñ qayda buluı belmäyäçäklär,” – dide.

BMO ğomum särqätibeneñ Tınıçlıq urnaştıru operaśiyalärennän cawaplı urınbasarı Jan-P’yer Lakroiks  isä gumanitar tırışlıqlar häm risk êşçänlekläre kebek êşlärdä Minanı täêsirsez xälgä kiterü xezmäte yanında buluların citkerde.

Lakroiks Ğazzä öçen gumanitar utnı tuqtatunıñ berençe mäs’älä buluına da basım yasadı.