Stoltenberg Qavqazğa baraçaq

NATO ğomum särqätibe Yens Stoltenberg 17-19 mart könnärendä Azärbaycan, Gruziya häm Ärmänstanğa räsmi säfär yasayaçaq.

NATOdan yasalğan belderügä kürä Yens Stoltenberg 17 mart könne Azärbaycan başqalası Baqıda ilbaşı İlham Äliyev belän, 18 martta isä tışqı êşlär ministrı Cäyhun Bäyrämov häm saqlanu ministrı, Armiya generalı Zakir Xäsänov belän küreşäçäk.

Stoltenberg Azärbaycandağı söyläşülärennän soñ 18 martta Gruziya başqalası Tbilisiğa baraçaq häm biredä däwlät başlığı Salome Zruabişvili häm prem’yer-ministr İrakli Kobaxidze belän ike yaqlı söyläşülär ütkäräçäk.

Ğomum särqätip Qavqazdağı söyläşülären 19 mart könne Ärmänstan başqalası Yerevanda prezident Vaagn Xaçaturyan häm prem’yer-ministr Nikol Paşinyan belän uzdıraçaq söyläşülär belän tögälläyäçäk.