Ber ük könne mäçetkä dä, çirkäwgä dä höcüm itkännär
Burkina-Fasoda qorallı törkemnärneñ höcümnäre däwam itä
Burkina-Fasonıñ kön’yağında mäçetkä yasalğan höcümdä 14 keşeneñ ğomere özelde. İlneñ islam cämğıyät’läre federaśiyäsennän belderülärençä, Natiaboani şähärendä 25nçe fevral’dä kemnär ikäne bilgesez keşelär qorallar belän mäçetkä bärep kerä. Anda imam belän bergä distädän artıq keşene atıp üterälär.
Şul uq 25nçe fevral’ könne ilneñ könçığışındağı Êssakane şähärendä ber çirkäwdä yäkşämbe ğıybadäte waqıtında höcüm oyıştırıla. Anda 15 keşeneñ ğomere özelä.
Burkina-Fasoda 2015nçe yılda başlanğan iminlek krizisı näticäsendä 2 millionnan artıq keşe öylären taşlap kitärgä mäcbür bula. Xökümät mäğ’lümatlarına qarağanda, alarnıñ barı 120 meñe kire qaytqan.
Bäyläneşle xäbärlär
45 tügel, 200 keşe ülde
Räfaxtağı möhacir lageren bombalawda ülüçelärneñ moña qadär äytelgännän kübräk buluı citkerelde