40 İzrail xärbiye yuq itelde

Fälästin qarşılıq xäräkäte “Xamas”nıñ xärbi büleme “İzzäddin äl-Qassam brigadaları” Ğazzä sızığının tön’yağında İzrail ğaskärlärenä qarata höcümdä 40 üle häm yaralı barlığın citkerde. Bu xaqta “Telegram” kanalı aşa belderelde. Anda äytelgänçä, Cibaliya äl-Bäläd cirlegendä ber öygä kergän 40 İzrail xärbiyenä höcüm oyıştıralar. Binanı raketalar belän utqa totalar. Belderüdä äytelgänçä, anıñ êçendäge barlıq İzrail xärbiläre üle yäisä yaralı bularaq täêsirsez xälgä kiterelä.

İzrail armiyäse bu waqıyğa belän bäyle belderüne älegä yasamadı.

7nçe oktyabr’dä başlanğan bäreleşlärdä 1200 izrailleneñ ülüe, 5 meñ 132seneñ yaralanuı bilgele. İzrail armiyäse 489 ğaskäriyeneñ hälaq buluın citkerde.

Ğazzädä isä kimendä 8 meñ 200e bala, 6 meñ 200e xatın-qız - tulayım 20 meñ 674 fälästinle üterelde, 54 meñ 536sı yaralandı. Cimereklär astında meñnärçä üle buluı belderelä.