İSESKO "Qor'än-i Kärimne añlar öçen uqığız” iniŝiativasın başlattı

İslam dön’yasınıñ Mäğarif, Fän häm mädäniyät oyışması İSESKO Awrupa illärendä Qorä’n-i Kärimgä qarağan höcümnärgä qarşı “añlar öçen uqığız” teması belän iniŝiativa başlattı.

Mäs’älä belän bäyle bularaq Marokko başqalası Rabatta küp sandağı uqıtuçı-ğalim häm İslam universitetı rektorı qatnaşında xalıqara konferenŝiya oyıştırıldı.

İSESCO ğomum mödire Salim ibn Möxämmäd äl-Malik konferenŝiyaneñ açılışında çığış yasap, Qorän-i Kärimgä qarağan höcümnärgä qarşı “añlar öçen uqığız” iniŝiativasın başlatuların citkerde.

İniŝiativanıñ Qorän-i Kärimne yandıru çaraları belän köräş öçen “uñay” reakŝiya bularaq başlatıluına işarät itlän Malik İslamnıñ döres räweştä añlatıluı öçen urtaq êşçänlek başqaru zarurlığın assızıqladı.

Bötendön’ya İslam berlege ğomum särkätibe Möxämmäd ibn Ğabdelkärim äl-Ğaysä isä konferenŝiyadä tübändägeçä belderde: “Bäysezleklär kontrol’sez bula almıy. İslam xoquqı xaq häm ireklärne garantiya astına aldı. Nadanlıq, näfrät häm ideologiyalär keşelärne faydasız êşlärgä êtärä.”