"Qor’än yandıruğa qomaçawlağan (кoмaчaулaгaн) öçen ükenmim"

Quds Äl Samarra  - tumışı belän Ğıyraqtan bulğan Daniya watandaşı.

Ul İslamğa qarşı, çiktän tış millätçe törkem tarafınnan Kopengagendağı Ğıyraq ilçelege aldında Qor’än yandırunı totqarlarğa tırıştı.

“Kopengagen aşa uzğanda yul qırıyında yanğan Qor’än kürdem.

Ul da anda basıp tora ide.

Min Qor’änne kürü belän: “Bu nigä yandı?”, - dip soradım häm utnı sünderdem.

Minem qulımda Qor’änne kürgäç, şunduq miña höcüm itte häm anı nigä alğanımnı soradı.

Mine êttelär, cilkämä bärdelär”, - di ul.

Soñraq Äl Samarra tağın ber Qor’än kürä.

Kitapnıñ östendä ayaq kiyıme bula.

İzge kitaptan ayaq kiyımen alırğa tırışqanda aña tağın ber tapqır höcüm itlälär.

“Min annan Qor’änne alırğa tırıştım, läkin ayaq kiyıme qadaqlanğan ide.

Ul minem ayaq kiyımen çığarırğa cıyınğanımnı kürde häm poliśiya çaqırdı.

Poliśiya (полиция) kilep citkäç ”Närsä êşlisez?” dip soradılar.

Poliśiya (полиция) anı qulğa alır dip qurıqtı, çönki ul waqıtta xatın-qıznı qıynıy ide.

Ul poliśiyägä (полициягә) minem anıñ äyberlären urlawım turında äytte.

Min annan Qor’änne aldım, läkin berazdan poliśiya anı yandıru öçen kire qaytardı”,-  di Äl Samarra.

Äl Samarra üzenä yasalğan höcüm öçen şiqayät’çe bula.

Läkin bu êş äle xäl itelmägän.

Çönki höcümçe Äl Samarranı urlawda ğayepli.

Soñğı aylarda Daniya häm kürşese Şveśiyädä İslamğa qarşı törkemnär tarafınnan Qor’änne yandıru häm yırtu ğamällare buldı.

Bu ğamällär İslam dön’yasınıñ açuın çığardı.