Hindstanda yañğır 90nan artıq keşeneñ ğomeren özde
Wäqalätlelär ilneñ tön’yaq regionnarında naçar hawa şartlarınıñ däwam itäçäge turında kisätä
Hindstannıñ tön’yaq töbäklärendä sonğı könnärdä xakimlek itkän yawım-töşem kiterep çığarğan su basular arqasında ğomere özelüçelär sanı 90nan arttı.
Hind matbuğatında urın alğan xäbärlärgä qarağanda, ülüçelärneñ 34e Ximaçal Pradeş töbägendä. Älege cirlekneñ afätlär waqıtında idarä itü oyışması wäqalätlese Praveen Bxardvaj kimendä 4 keşeneñ yuqqa çığuın belderde. Ul ülemnärgä, su basu häm cir ubıludan tış, naçar hawa şartları arqasında barlıqqa kilgän qazalar säbäpçe buluın söyli. Ximaçal Pradeşta taşqınnarda 1300dän artıq yul zarar kürgän.
Wäqalätlelär ilneñ tön’yaq regionnarında naçar hawa şartlarınıñ däwam itäçäge turında kisätä.
Hindstan meteorologiyä idaräse 9nçı iyül’dä yasalğan belderüendä Ximaçal Pradeş, Uttarakxand, Päncap häm Xaryana töbäkläre öçen iñ yuğarı däräcä afät signalı birde.
