Bayden Qorban bäyrämen qotladı

Bayden häm Amerika Quşma Ştatlarında häm dä dönyanıñ törle urınnarında yäşäwçe möselmannar öçen bäyräm yullamasın bastırdı.

Bayden, bıyıl berençe tapqır Aq Yortta viśe-prezident Kamala Xarris häm ireneñ qabul itüendä möselman cämğıyäte liderları belän bergä Qorban bäyrämen qotlayaçağın belderep, Amerika Quşma Ştatlarınıñ mädäni tuqımasın bayıtuçı häm cämğıyätkä öleş kertüçe millionlağan möselmannı qabul itüdän ğorurlanuların äytte.

Amerikalı möselmannarnıñ törle ölkälärdä ilgä kertkän öleşlärenä işarät itüçe Bayden: "Alarnıñ buluı törlelek, kiñ qolaçlılıq häm din iregenä bulğan yöklämäbezne nığıta”, - dip bäyäläw yasadı.

Djo Bayden şäfqat’, êmpatiya häm ike yaqlı xörmätkä basım yasağan yullamasında Qorban bäyrämendä ütälgän Xac ğıybadätenä dä tuqtalıp uzdı.

Bu bäyrämdä dönyanıñ dürt ber yağındağı küp sanda möselmannıñ Soğud Ğaräbstanında xac wazıyfasın ütäwen citkerüçe Bayden dönyanıñ törle töbäklärennän xac öçen cıyılğan möselmannarnıñ aq tösle İhramnı kiyıp, üzenä kürä tigezlänülärenä iğ’tibarnı yünältte.

"Bu fiker millätebezgä nigezlänep salınğan, barıbıznıñ tigez bulıp yaraltıluı häm yäşäw, irek häm bäxet êzlänüe xoquqına iyä buluıbız fikerläre belän oxşağan,” – dip äytüçe Bayden, möselmannarnıñ Qorban gäyıten täbrik itep:

"Qorban bäyrämeneñ ruxı yöräkläregezgä häm öyläregezgä şatlıq, tınıçlıq häm berdämlek alıp kitersen. “Xacı” däräcäsen qazanğan amerikalı möselman xacılarıbıznı ilebezdä qarşı alunı dürt küz belän kötäbez. Üzlärenä häm dönyanıñ dürt ber yağındağı möselmannarğa küñelle häm xozuqlı bäyräm telibez. Bäyrämegez möbaräk bulsın”, - dide.

AQŞ däwlät särkätibe Êntoni Blinken da “Twitter”dan urtaqlaşqan yazmasında, möselman dönyasınıñ Qorban bäyrämen qotlap, xac wazıyfasın başqarğan möselmannar öçen dä yaxşı teläklären citkerde.